આણંદ : કણભાઈપુરા પાસે આઇસર અને બાઇક વચ્ચે સર્જાયો અકસ્માત, ત્રણના મોત

કણભાઈપુરા પાસે અકસ્માતમાં ત્રણના મોત થતા અરેરાટી વ્યાપી ગઈ છે. આઇસરે બાઇકને અડફેટમાં લેતા ત્રણ લોકોનાં મોત થયા છે. ત્રણેય યુવકો બાઇક પર જઈ રહ્યા હતા, ત્યારે આઇસર બાઈકને ઢસડીને ખેતરમાં ઘુસી ગઈ હતી. તેમજ ત્યાં જ ત્રણેય યુવકોના મોત નીપજ્યા હતા. ઘટનાની જાણ થતાં ખંભોળજ પોલીસ ઘટના સ્થળે પહોંચી છે અને વધુ તપાસ હાથ ધરી છે.

એમપી-09-જીઇ 5119 નામની આઇસરે બાઇક સવારોને અડફેટે લીધા હતા. જોકે, આ યુવકો કોણ છે અને તેઓ ક્યાં જઈ રહ્યા હતા અને ક્યાંના રહેવાસી છે, તે હજુ જાણી શકાયું નથી.