અંકલેશ્વર: પેટ્રોલ ડીઝલના વધતા ભાવથી ઔદ્યોગિક વિકાસ સંકટમાં, ઉદ્યોગકારોએ વ્યક્ત કરી ચિંતા

પેટ્રોલ અને ડીઝલના સતત વધી રહેલા ભાવોના કારણે સામાન્ય જનતા તો પરેશાન છે જ પરંતુ એશિયાની સૌથી મોટી ઔદ્યોગિક વસાહતોમાંની એક અંકલેશ્વરના ઉદ્યોગકારો પણ ભારે મુશ્કેલીમાં મુકાયા છે. ઈંધણના વધતા ભાવોના સીધા પ્રભાવથી ઉદ્યોગોના ઉત્પાદન ખર્ચમાં વધારો નોંધાઈ રહ્યો છે, જેના કારણે ઔદ્યોગિક ક્ષેત્રમાં ચિંતા ફેલાઈ છે.ઉદ્યોગકારોના જણાવ્યા મુજબ પેટ્રોલ-ડીઝલના ભાવ વધતા રો મટીરીયલના ટ્રાન્સપોર્ટેશન ખર્ચમાં ભારે વધારો થયો છે. 

ટ્રાન્સપોર્ટેશન મોંઘું બનતા ઉત્પાદિત માલની કુલ કિંમત પર પણ અસર જોવા મળી રહી છે. ખાસ કરીને નાના અને મધ્યમ ઉદ્યોગો માટે હાલની સ્થિતિ વધુ કપરા સમયમાં ફેરવાઈ રહી છે.તે ઉપરાંત ડીઝલ આધારિત પ્લાન્ટ ચલાવતા ઉદ્યોગોને વધારાનું આર્થિક ભારણ સહન કરવું પડી રહ્યું છે. સતત વધતા ઈંધણ ખર્ચને કારણે પ્લાન્ટના દૈનિક ઓપરેશન ખર્ચમાં વધારો થયો છે, જેના કારણે ઘણા ઉદ્યોગો નફાકારકતા જાળવવામાં મુશ્કેલી અનુભવી રહ્યા છે.