ભરૂચ જિલ્લાના અંકલેશ્વર GIDC વિસ્તારમાં થયેલી લાખો રૂપિયાની લૂંટના ગુન્હામાં અંકલેશ્વર GIDC પોલીસે એક ઇસમની અટકાયત કાયદેસરની કાર્યવાહી હાથ ધરી છે. મળતી માહિતી અનુસાર, ભરૂચ જિલ્લાના અંકલેશ્વર GIDC વિસ્તારમાં વર્ષ 2016માં આંગણિયા પેઢીના 5 લાખ 40 હજાર 200 રૂપિયાની લૂંટનો મામલો સામે આવ્યો હતો.
જેમાં પોલીસે ઊંડાણપૂર્વક તપાસ હાથ ધરી હતી, ત્યારે આ મામલમાં અગાઉ 2 ઇસમોની પોલીસ દ્વારા ધરપકડ કરવામાં આવી હતી. જોકે, અંકલેશ્વરમાં લૂંટના ગુન્હામાં દહેજ પોલીસે વધુ એક કિશન ઠાકોર નામના ઇસમની અટકાયત કરી હતી, ત્યારે દહેજ પોલીસ મથકેથી ટ્રાન્સફર વોરંટના આધારે આરોપી કિશન ઠાકોરને અંકલેશ્વર GIDC પોલીસ મથકે લાવી લાખો રૂપિયાની લૂંટ મામલે વધુ તપાસ હાથ ધરવામાં આવી છે.
