• અંકલેશ્વર ઉદ્યોગ મંડળની યોજાશે ચૂંટણી

• તારીખ 20 જૂને મતદાન

• ચૂંટણીનું ચિત્ર થયું સ્પષ્ટ

• 10 બેઠકો પર 20 ઉમેદવારો વચ્ચે જંગ

• સહયોગ અને વિકાસ પેનલ મેદાને

અંકલેશ્વર ઉદ્યોગ મંડળની 20મી તારીખે થનારી ચૂંટણીમાં ઉમેદવારોની અંતિમ યાદી બહાર પાડવામાં આવી છે. 10 બેઠકો માટે 20 ઉમેદવારો વચ્ચે જંગ ખેલાશે.સૌ પ્રથમ 42 ઉમેદવારોએ ઉમેદવારી નોંધાવી હતી પણ ઉમેદવારી પત્રોની ચકાસણી અને પરત ખેંચાયા બાદ હવે 10 બેઠક માટે 20 ઉમેદવાર રહેતાં રસાકસીનો જંગ ખેલાશે. ફોર્મ પરત ખેંચવાના દિવસે 21 ફોર્મ પરત ખેંચાયા હતા જ્યારે ફોર્મ રિજેક્ટ થયું હતું. સહયોગની સામે વિકાસ પેનલનો મુકાબલો રસપ્રદ બની રહેશે. કોર્પોરેટની એક બેઠક માટે 2 , રિઝર્વ કેટેગરીની એક બેઠક માટે 2 અને જનરલની 8 બેઠક પર 16 ઉમેદવાર હવે મેદાનમાં રહ્યા છે.

સત્તા મેળવવા માટે 15 બેઠક જરૂરી છે.ઉલ્લેખનીય છે કે અંકલેશ્વર વસાહતના 1300 થી વધુ સભ્ય સંખ્યા ધરાવતા અંકલેશ્વર ઉદ્યોગ મંડળમાં પ્રતિ વર્ષ 10 સભ્યોની મુદત પૂરી થાય છે. 30 મેનેજીંગ કમિટીના સભ્યો ધરાવતા ઉદ્યોગ મંડળની આગામી 20મી જૂનના રોજ ચૂંટણી યોજવામાં આવનાર છે. ચૂંટણી ચિત્ર સ્પષ્ટ થતાં હવે ઉમેદવારો મતદારોને રીઝવવામાં લાગી ગયાં છે.