ભરૂચના ધારાસભ્ય દુષ્યંત પટેલની વર્ષ 2020-21ની ગ્રાન્ટમાંથી રોટરી વેલ્ફેર ટ્રસ્ટ, ભરૂચને 10 જેટલા ઓક્સિજન કોન્સન્ટ્રેટર મશીન જનતાની સેવા માટે અર્પણ કરવામાં આવ્યા છે.
હાલ સમગ્ર ગુજરાતમાં કોરોનાની બીજી લહેર ચાલી રહી છે, ત્યારે અનેક સ્થળોએ નામી અનામી સેવાભાવી સંસ્થા તેમજ સેવાભાવી લોકો દ્વારા કોરોના સંક્રમિતોને મદદરૂપ થઈ માનવતાનું ઉમદા કાર્ય કરવામાં આવી રહ્યું છે, ત્યારે હમેશા લોકો માટે અને લોકોની સેવામાં આગળ રહેતા ભરૂચના ધારાસભ્ય દુષ્યંત પટેલ દ્વારા પણ સેવાકાર્ય કરવામાં આવ્યું છે.
પોતાની વર્ષ 2020-21ની ગ્રાન્ટમાંથી રોટરી વેલ્ફેર ટ્રસ્ટ, ભરૂચને 10 જેટલા ઓક્સિજન કોન્સન્ટ્રેટર મશીન અર્પણ કરવામાં આવ્યા છે, ત્યારે આગામી દિવસોમાં ભરૂચ શહેર તથા આસપાસની જનતાને ઓક્સિજન કોન્સન્ટ્રેટર મશીનની વિનામુલ્યે સેવા આપવામાં આવશે. આ ઉમદા અને સરાહનીય કાર્ય કરવા બદલ ભરૂચ શહેરની જનતાએ ધારાસભ્ય દુષ્યંત પટેલ તેમજ રોટરી વેલ્ફેર ટ્રસ્ટનો આભાર માન્યો છે.