દેશના સ્વતંત્રતા પર્વ 15 મી ઓગષ્ટની જિલ્લા કક્ષાની ઉજવણી આ વર્ષે ભરૂચ જિલ્લાના ઝધડીયા ખાતે મિશન હાઈસ્કૂલના મેદાન ખાતે રાષ્ટ્રીય ગૌરવ અને ઉત્સાહભેર યોજાશે જેમાં મંત્રી પ્રફુલ્લ પાનસેરીયા ધ્વજવંદન કરશે.આ ઉજવણીનું આયોજન સુવ્યવસ્થિત, શિસ્તબદ્ધ અને ગૌરવપૂર્ણ રીતે સંપન્ન થાય તે હેતુથી જિલ્લા કલેક્ટર નવનાથ ગવ્હાણેના અધ્યક્ષસ્થાને પૂર્વ તૈયારી અંગે સમીક્ષા બેઠક યોજાઈ હતી.
જેમાં સ્વતંત્રતા પર્વની ઉજવણીને લગતી વિવિધ કામગીરીઓની વિગતવાર સમીક્ષા કરાઈ હતી. બેઠકમાં જિલ્લા વિકાસ અધિકારી યોગેશ કાપેસે, જિલ્લા પોલીસ વડા અક્ષયરાજ મકવાણા, નિવાસી અધિક કલેક્ટર, વિવિધ વિભાગોના જિલ્લાના અધિકારીઓ ઉપસ્થિત રહ્યા હતા.
