ભરૂચ: ઝઘડીયા વીજ કચેરી પર ખેડૂતોનો હલ્લો,વાવઝોડા બાદ એગ્રીકલ્ચર લાઇનનો વીજ પુરવઠો ખોરવાતા ધરતીપુત્રોને હાલાકી

New Update
ભરૂચ: ઝઘડીયા વીજ કચેરી પર ખેડૂતોનો હલ્લો,વાવઝોડા બાદ એગ્રીકલ્ચર લાઇનનો વીજ પુરવઠો ખોરવાતા ધરતીપુત્રોને હાલાકી

તાઉતે વાવાઝોડાના કારણે ઝઘડીયાના ગ્રામ્ય વિસ્તારોમાં એગ્રી કલ્ચર લાઇનનો વીજ ખોરવાયેલ પુરવઠો સાત દિવસ બાદ પણ પુન:પ્રસ્થાપિત ન કરાતા ખેડૂતોએ વીજ કંપની કચેરી પર હલ્લો મચાવ્યો હતો.

તાઉતે વાવઝોડા દરમ્યાન ફૂંકાયેલ ભારે પવન અને વરસાદના કારણે અનેક જિલ્લાઓમાં વીજ પુરવઠો ખોરવાયો છે. ઝઘડીયાના ધારોલી સહિતના ગ્રામ્ય વિસ્તારોમાં પણ વીજ પુરવઠો ખોરવાયો હતો.ખાસ એગ્રીકલ્ચર લાઇનનો વીજ પુરવઠો સાત દિવસ બાદ પણ કાર્યરત ન થતાં ખેડૂતો વિફર્યા હતા અને ઝઘડીયા ખાતે આવેલ વીજ કંપનીની કચેરી પર પહોંચી હલ્લો મચાવ્યો હતો. ખેડૂતોએ દક્ષિણ ગુજરાત વીજ કંપનીના ઇજનેરને ઉગ્ર રજૂઆત કરી તાત્કાલિક વીજ પુરવઠો પુન:પ્રસ્થાપિત કરવાની માંગ કરી હતી. ખેડૂતોએ જણાવ્યુ હતું કે વીજ કંપનીનું સબ સ્ટેશન બની ગયું છે તેને પણ શરૂ કરવામાં આવે એવી માંગ કરવામાં આવી છે.

Read the Next Article

રાજ્ય સરકારના સામાન્ય વહીવટ વિભાગ દ્વારા 13 IAS અધિકારીઓની કરાઇ બદલી

રાજ્ય સરકારના સામાન્ય વહીવટ વિભાગ દ્વારા  13 IAS અધિકારીઓની બદલી કરવામાં આવી છે. આ અંગે મોડીસાંજે સત્તાવર  નોટિફિકેશન જાહેર કરવામાં આવ્યું છે.

New Update
રાજયમાં આઇએએસ અધિકારીઓની બદલીનો ગંજીફો ચીપાયો

રાજ્ય સરકારના સામાન્ય વહીવટ વિભાગ દ્વારા  13 IAS અધિકારીઓની બદલી કરવામાં આવી છે. આ અંગે મોડીસાંજે સત્તાવર  નોટિફિકેશન જાહેર કરવામાં આવ્યું છે.  

આ બદલીઓમાં પ્રથમ નામ  અશ્વિની કુમાર, IAS (RR:GJ:1997) ને શહેરી વિકાસ અને શહેરી ગૃહ નિર્માણ વિભાગમાંથી રમતગમત, યુવા અને સાંસ્કૃતિક પ્રવૃત્તિઓ વિભાગમાં પ્રિન્સિપલ સચિવ તરીકે નિયુક્ત કરવામાં આવ્યા. 

જ્યારે  એમ. થેનારસન, IAS (RR:GJ:2000) ને  રમતગમત, યુવા અને સાંસ્કૃતિક પ્રવૃત્તિઓ વિભાગમાંથી શહેરી વિકાસ અને શહેરી ગૃહ નિર્માણ વિભાગમાં પ્રિન્સિપલ સચિવ તરીકે નિયુક્ત કરવામાં આવ્યા છે. રાજકોટ કલેક્ટર પ્રભવ જોશીની બદલી કરવામાં આવી છે. જૂનાગઢ મહાનગર પાલિકાની કમિશનર ઓમ પ્રકાશની રાજકોટ કલેક્ટર તરીકે બદલી કરવામાં આવી છે.  

રાજ્યના 13 IAS અધિકારીઓની બદલી કરવામાં આવી છે.  શહેરી વિકાસ સચિવ અશ્વિની કુમારની બદલી કરાઈ છે.  એમ. થેન્નારસન નવા શહેરી વિકાસ સચિવ બન્યા છે.  રમેશ મીણા પોર્ટ અને ટ્રાન્સપોર્ટના સચિવ બન્યા છે.  મીલિંદ તોરવણે પંચાયત સચિવ તરીકે નિમાયા છે.  આરતી કંવરને નાણા વિભાગનો વધારાનો ચાર્જ સોંપાયો છે. જેનુ દેવાનને મધ્ય ગુજરાત વિજ કંપનીનો ચાર્જ સોંપાયો છે.  તેજસ પરમાર જૂનાગઢના મ્યુ. કમિશનર બન્યા છે.  

રાજકોટ કલેક્ટર પ્રભાવ જોશીની બદલી કરવામાં આવી છે. પ્રભવ જોશી ટુરિઝમમાં એમડી બન્યા છે.  ઓમ પ્રકાશ રાજકોટના નવા કલેક્ટર બન્યા છે.  નર્મદાના DDO તરીકે રાજ સુથારની નિમણૂંક કરવામાં આવી છે. 

ગુજરાત સ્ટેટ પેટ્રોલિયમ કોર્પોરેશન લિમિટેડ (GSPC) ના મેનેજિંગ ડિરેક્ટર મિલિંદ  તોરવાણે, IAS ને પંચાયત, ગ્રામ ગૃહ નિર્માણ અને ગ્રામ વિકાસ વિભાગમાં પ્રિન્સિપલ સચિવ તરીકે નિયુક્ત કરવામાં આવ્યા. રાજકોટ કલેક્ટર પ્રભાવ જોશીને ટુરિઝમ કોર્પોરેશન ઓફ ગુજરાત લિમિટેડના મેનેજિંગ ડિરેક્ટર તરીકે નિયુક્ત કરવામાં આવ્યા. તેજસ દિલીપભાઈ પરમાર મધ્ય ગુજરાત વીજ કંપની લિમિટેડના મેનેજિંગ ડિરેક્ટરમાંથી જૂનાગઢ મ્યુનિસિપલ કમિશનર તરીકે નિયુક્ત થયા છે.

Latest Stories