ભરૂચ: વિલાયત જીઆઇડીસીમાં આવેલ ગ્રાસીમ કેમિકલ ડિવિઝનમાં આગ લાગતા દોડધામ, કોઈ જાનહાની નહીં

વાગરાની વિલાયત જીઆઇડીસી વિસ્તારમાં આવેલ આદિત્ય બિરલા ગ્રાસીમ કંપનીમાં આજે બપોરના સમયે અચાનક એકાએક આગ ભભૂકી ઉઠતા ભારે દોડધામના દ્રશ્યો સર્જાયા હતા. અચાનક લાગેલ આગના પગલે આગના ધુમાડા કિલોમીટરો દૂર સુધી જોવા મળતા સ્થાનિક લોકોના જીવ તાળવે ચોટયા હતા, ઘટના પગલે ફાયર વિભાગને જાણ કરવામાં આવતા ૪ થી વધુ ફાયર ફાઈટરોએ તાત્કાલિક સ્થળ પર પહોંચી આગને કાબુમાં લેવાના પ્રયત્નો શરૂ કર્યા હતા.

કંપનીના બ્લીચિંગ પાઉડર ડિપાર્ટમેન્ટમાં આગ ફાટી નીકળી હતી જેને 5થી વધુ ફાયર ફાયટરોએ કાબુમાં લીધી હતી. આ બનાવમાં કોઈ જાનહાની થઈ ન હતી.