અંકલેશ્વર : દેશી દારૂના અડ્ડાઓ પર પોલીસના દરોડા, રૂ. 12.87 લાખના મુદ્દામાલ સાથે 2 ઇસમોની ધરપકડ...

જૂના કાંસીયા અને માંડવા ગામની સીમમાં પોલીસના દરોડા

4 હજાર 900 લિટર વોશ સહિત 600 લિટર દેશી દારૂ જપ્ત

રૂ. 12.87 લાખના મુદ્દામાલ સાથે 2 ઇસમોની કરાય ધરપકડ

ભરૂચ જીલ્લામાં દારૂની રેલમછેલમ અટકાવવા માટે જિલ્લા પોલીસ રાત-દિવસ પેટ્રોલીંગ કરી દારૂનું દૂષણ અટકાવવા સતત પ્રયાસ કરી રહી છે, ત્યારે દિવાળીના તહેવાર ટાણે જ અંકલેશ્વર બી’ ડિવિઝન પોલીસે દેશી દારૂની ભઠ્ઠીઓ પર દરોડા પાડ્યા હતા. પોલીસે જૂના કાંસીયા અને માંડવા ગામની સીમમાં ચાલતા દેશી દારૂના અડ્ડાઓ પર દરોડા પાડી સ્થળ પરથી 4 હજાર 900 લિટર વોશ અને 600 લિટર દેશી દારૂ તેમજ ઇકો કાર, ટ્રેક્ટર ટ્રૉલી, બાઇક, મોપેડ સહિત 4 વાહનો મળી કુલ રૂ. 12.87 લાખનો મુદ્દામાલ જપ્ત કર્યો હતો. આ સાથે જ જૂના કાંસીયા અને માંડવા ગામની સીમમાં રહેતા 2 ઇસમોની ધરપકડ કરવામાં આવી હતી, જ્યારે અન્ય ઈસમને વોન્ટેડ જાહેર કરી વધુ તપાસ હાથ ધરવામાં આવી છે.