અંકલેશ્વર : શ્રી સરદાર પટેલ સેવા સમાજ ટ્રસ્ટ દ્વારા સૌરાષ્ટ્ર પ્રીમીયર ક્રિકેટ લીગ યોજાય, 8 ટીમોએ ભાગ લીધો

ભરૂચ જિલ્લાના અંકલેશ્વરની જીઆઇડીસીમાં આવેલ સ્પોર્ટસ કોમ્પલેક્ષ ગ્રાઉન્ડ ખાતે શ્રી સરદાર પટેલ સેવા સમાજ ટ્રસ્ટના ઉપક્રમે સૌરાષ્ટ્ર પ્રીમિયર લીગનું આયોજન કરવામાં આવ્યું હતું. અંકલેશ્વરની જીઆઇડીસીમાં આવેલ સ્પોર્ટસ કોમ્પલેક્ષ ગ્રાઉન્ડ ખાતે શ્રી સરદાર પટેલ સેવા સમાજ ટ્રસ્ટના ઉપક્રમે યોજાયેલ સૌરાષ્ટ્ર પ્રીમિયર લીગ ક્રિકેટ ટુર્નામેન્ટમાં કુલ 8 જેટલી ટીમોએ ઉત્સાહભેર ભાગ લીધો હતો.

આ પ્રસંગે પાટીદાર પટેલ સમાજના યુવાનોએ ક્રિકેટ ટુર્નામેન્ટમાં ભાગ લીધો હતો. આજરોજ આ ટુર્નામેન્ટની લીગ મેચો રમાઈ હતી, જ્યારે આવતી કાલે સેમી ફાઇનલ તેમજ ફાઇનલ મેચનું આયોજન કરાયું છે. આ પ્રસંગે પ્રોજેક્ટ ચેરમેન મુકેશ ચોવટીયા જણાવ્યું હતું કે, સમાજના ઉભરતા યુવાનોની પ્રતિભા ખીલવવા ટુર્નામેન્ટનું આયોજન હાથ ધરાયું છે. આ ટુર્નામેન્ટના આયોજનમાં ટ્રસ્ટના પ્રમુખ વિનોદ પાદરીયા, ઉપપ્રમુખ પંકજ અંતાલા, મંત્રી રાજેશ દુધાત સહીતના હોદેદારોએ ખૂબ જ જહેમત ઉઠાવી છે.