અંકલેશ્વર: એશિયન પેઈન્ટ કંપનીમાં નર્મદા કેટરર્સના કોન્ટ્રાક્ટની કેન્ટીનના મેનેજરે આદિવાસી મહિલાની કરી છેડતી

અંકલેશ્વર જી.આઈ.ડી.સી.માં આવેલ એશિયન પેઈન્ટ કંપની સ્થિત નર્મદા કેટરર્સના કોન્ટ્રાક્ટની કેન્ટીનમાં કામ કરતી આદિવાસી મહિલાની કેન્ટીનનો મેનેજર છેડતી કરતાં પોલીસ ફરિયાદ નોંધાઈ છે.

અંકલેશ્વર તાલુકાનાં એક ગામમાં રહેતી પરણિત આદિવાસી મહિલા છેલ્લા બે વર્ષથી અંકલેશ્વર જી.આઈ.ડી.સી.માં આવેલ એશિયન પેઈન્ટ કંપની સ્થિત નર્મદા કેટરર્સના કોન્ટ્રાક્ટની કેન્ટીનમાં વણસા ધોવાનું અને કચરા પોછું કરવાની કામગીરી કરે છે.જે મહિલાને કેન્ટીનનો મેનેજર અરુણ અન્ના છેલ્લા ઘણા સમયથી અવાર નવાર છેડતી કરતો હોવા સાથે કેન્ટીનમાં અન્ય કામદારો નહીં હોય તેવા સમયે ફાયદો ઉઠાવી બરફન ટુકડા મારી બરડા ઉપર હાથ લગાવી છેડતી કરતો હતો આ અંગે મહિલાએ કંપનીના એચ.આર.વિભાગમાં અલ્પાબેનને જાણ કરી હતી જે બાદ કેન્ટીન મેનેજરે મહિલાને કામ ઉપર નહીં આવાનું કહી તેને કાઢી મૂકી હતી આ છેડતી અંગે આખરે મહિલાએ કેન્ટીનનો મેનેજર અરુણ અન્ના વિરુધ્ધ પોલીસ ફરિયાદ નોંધાવી છે.જીઆઈડીસી પોલીસે સમગ્ર મામલે ફરિયાદ નોંધી વધુ તપાસ હાથ ધરી છે.