અંકલેશ્વરનું “ગૌરવ” : વડોદરા ખાતે આયોજિત ટેનિસ પ્રીમિયર લીગમાં ડી.એ.આનંદપુરા કલ્ચર એન્ડ સ્પોર્ટ્સ સેન્ટરના સ્પર્ધકે સિલ્વર મેડલ મેળવ્યો...

ભરૂચ જિલ્લાના અંકલેશ્વર GIDC વિસ્તાર સ્થિત ડી.એ.આનંદપુરા કલ્ચર એન્ડ સ્પોર્ટ્સ સેન્ટરના ખેલાડીએ વડોદરા ખાતે આયોજિત ટેનિસ પ્રીમિયર લીગમાં સિલ્વર મેડલ મેળવી સંસ્થા, કોચ અને પોતાના માતા-પિતાનું ગૌરવ વધાર્યું છે.

તા. 14 મેથી 20 મે 2024ના રોજ બાલભવન વડોદરા ખાતે ટેનિસ પ્રીમિયર લીગનું આયોજન કરવામાં આવ્યું હતું. જેમાં ભરૂચ જિલ્લાના અંકલેશ્વરમાંથી 8 વર્ષથી ઓછી વય જૂથમાં નીવ ચૌધરી અને માધવેન્દ્ર સિંહએ ભાગ લીધો હતો. આ સ્પર્ધામાં ડી.એ.આનંદપુરા કલ્ચર અને સ્પોર્ટ્સ સેન્ટર ખાતે કોચ વિશાલ પઢિયાર પાસે પ્રશિક્ષણ લેનાર નીવ ચૌધરી ફાઇનલ રાઉન્ડમાં આવી સિલ્વર મેડલ મેળવી સંસ્થા, કોચ અને પોતાના માતા-પિતાનું ગૌરવ વધાર્યું છે. આ પ્રસંગે સંસ્થાના એડમીન ક્રિષ્ના મહારાઉત અને સભ્ય પારસ પટેલે તેમનું બહુમાન કર્યું હતું. આ સાથે જ ઓલ ઇન્ડિયા ટેનિસ એસોસિએશન તરફથી ભેટ એનાયત સન્માનીત કરવામાં આવ્યા હતા.