ભરૂચની સબજેલમાં જાસૂસીકાંડમાં બંધ નામચીન બુટલેગર નયન ઉર્ફે બોબડાને જેલમાં સાત આરોપી ઓ હુમલો કરી માર મારવાની ઘટના સામે આવતા ચકચાર મચી જવા પામી છે

ભરૂચ જાસૂસીકાંડમાં નાસતો ફરતો નામચીન બુટલેગર 11 મહિના બાદ પોલીસ પકડમાં આવ્યો હતો.જે હાલમાં ભરૂચની સબજેલમાં બંધ છે.ત્યારે સબજેલના ઈન્ચાર્જ જેલર છત્રસિંહ વસાવાએ નોંધાવેલી ફરિયાદ જણાવ્યું હતું કે, મંગળવારે બપોરે ભરૂચ સબજેલને ડ્રગ્સ, રેપ,આંતરરાજ્ય ATM અને સોપારી કિલિંગ ગેંગના 7 આરોપીઓએ હંગામો મચાવ્યો હતો. જેમાં બપોરે 3 વાગ્યાના સુમારે જેલબંધી ખોલવાની કાર્યવાહી દરમિયાન રોજા બેરેક 4 અને 8 માં રહેલા 7 આરોપીઓએ તેઓની કોઈ અદાવત કે ઈરાદો પાર પાડવા બેરેક નંબર એકમાં રહેલા નયન કાયસ્થ ઉર્ફે બોબડા કાયસ્થ પર હુમલો કર્યો હતો. અન્ય કેદીઓ અને જેલ પ્રસાશને વચ્ચે પડી તેઓને છોડાવ્યા હતા. મામલામાં યાસીન ખાલિદ ચોક,નઇમ ઇસ્માઇલ મુસા પટેલ, ઇસ્માઇલ અલી હુસેન મલેક,10 લાખના એમ.ડી.ડ્રગ્સ સાથે પકડાયેલા હિસ્ટ્રીશીટર અને નિવૃત પોલીસ પુત્ર ઇમરાન શોકત ખીલજી, સલમાન મુસ્તાક પટેલ. તેમજ આંતરરાજ્ય ATM તોડતી મેવાતી અને સોપારી કિલિંગ ગેંગના આમિર શાબિર નથ્થું ખાન સાથે આમીન અલ્તાફ પટેલ સામે ગુનો દાખલ કરાવાયો છે. બનાવ અંગે ભરૂચ શહેર બી ડિવિઝન પોલીસે ગુનો નોંધી કાયદેસરની કાર્યવાહી હાથ ધરી છે