ભરૂચના વાગરા તાલુકાના રહિયાદ ગામ ખાતે GACL એજ્યુકેશન સોસાયટી, શ્રીમતી જયાબેન મોદી હોસ્પિટલ- અંકલેશ્વરના સહયોગથી નિઃશુલ્ક મેડિકલ ચેકઅપ કેમ્પનું આયોજન કરવામાં આવ્યું હતું.

ભરૂચના વાગરા તાલુકાના રહિયાદ ગામની પ્રાથમિક શાળા ખાતે GACL એજ્યુકેશન સોસાયટી, શ્રીમતી જયાબેન મોદી હોસ્પિટલ-અંકલેશ્વર ના સંયુક્ત ઉપક્રમે નિઃશુલ્ક મેડિકલ ચેકઅપ કેમ્પનું આયોજન કરવામાં આવ્યું હતું.જેનો મોટી સંખ્યામાં આસપાસના ગામોમાંથી આવેલા લાભાર્થીઓએ લાભ લીધો હતો. આ કેમ્પમાં નાક, કાન, ગળા, આંખ, હાડકા તેમજ અન્ય સર્વરોગના નિષ્ણાંત તબીબોએ નિ:શુલ્ક સેવા આપી હતી.આ સાથે જ સ્કુલમાં અભ્યાસ કરતા વિદ્યાર્થીઓની આરોગ્ય તપાસ કરવામાં આવી હતી.સમગ્ર કેમ્પ દરમ્યાન સ્થાનિક આગેવાનો, તબીબો, નર્સિંગ સ્ટાફ સહિત મોટી સંખ્યામાં ગ્રામજનો ઉપસ્થિત રહ્યા હતા