ભરૂચ: ભારત વિકાસ પરિષદ દ્વારા 17 જુલાઈએ રાષ્ટ્રીય સમૂહ ગાન સ્પર્ધા યોજાશે

ભારત વિકાસ પરિષદ તેના પાયાના પાંચ સૂત્રો પર સંપર્ક, સહયોગ, સંસ્કાર ,સેવા ,સમર્પણ પર આધારિત છે. સેવા અને સંસ્કારલક્ષી કાર્ય અવિરત ચાલતા જ હોય છે આવુ જ એક સંસ્કારલક્ષી કાર્ય એટલે રાષ્ટ્રીય સમૂહગાન સ્પર્ધા.

ભારત વિકાસ પરિષદ ભૃગુભૂમિ શાખા દ્વારા તારીખ 17 જુલાઇ અને સોમવારના રોજ ભરૂચની નારાયણ વિદ્યાવિહાર શાળા ખાતે સવારે 9 કલાકે સમૂહ ગાન સ્પર્ધા યોજાશે જેમાં ભરૂચની નારાયરણ વિદ્યાવિહાર,જય અંબે ઇન્ટરનેશન સ્કૂલ,પ્રાર્થના વિદ્યાલય સહિત વિવિધ શાળાના બાળકો ભાગ લેશે.

આ પ્રસંગે પ્રાંત પ્રતિનિધિ-પ્રચાર પ્રસાર સંયોજક યોગેશ પારિક, ભારત વિકાસ પરિષદ ભૃગુભૂમિ શાખાના અધ્યક્ષ નરેશ ઠક્કર, કાર્યક્રમના સંયોજક ડો.મહેશ ઠાકર,મહામંત્રી કે.આર.જોશી સહિતના આગેવાનો અને શાળા પરિવાર ઉપસ્થિત રહેશે.