ભરૂચ: DSP ડો.લીના પાટીલે 121 પોલીસકર્મીઓની કરી આંતરિક બદલી,પોલીસ બેડામાં ખળભળાટ

ભરૂચ જિલ્લા પોલીસ વડાએ જિલ્લાના 121 પોલીસ કર્મચારીઓની આંતરિક બદલીનો ગંજીપો ચીપ્યો હતો. ભરૂચ જિલ્લા પોલીસ વડા ડો . લીના પાટીલ સમક્ષ બદલી ઇચ્છુક પોલીસ કર્મચારીઓએ એપ્રિલ મહિનામાં પોતાની રજૂઆતો કરી હતી . જેના પગલે એસપીએ તેમને સાંભળી જિલ્લાભરમાં કુલ 121 પોલીસ કર્મીઓની આંતરિક બદલીનો હુકમ કર્યો છે.જેમાં 4 પોલીસ જવાનોની જાહેરહિતમાં, 61 પોલીસકર્મીઓની પદર ખર્ચે જ્યારે 56 પોલીસકર્મીઓને અરસ પરસમાં આંતરિક બદલી કરવામાં આવી છે.