આજે ફરી સોનાના ભાવમાં થયો ઘટાડો, જાણો 10 ગ્રામ સોનાનો ભાવ

જોકે સોનાના ભાવમાં સતત 4 દિવસથી ઘટાડો થયો છે અને આજે પણ ભાવ ઘટીને જાણો કેટલો થયો છે.

સોનાનો ભાવ સતત વધી રહ્યો છે. 1 લાખ રૂપિયા પ્રતિ 10 ગ્રામનો સ્તર જોયા પછી ભાવ નીચે આવ્યો હતો, પરંતુ એવું લાગે છે કે તે ટૂંક સમયમાં ફરી એકવાર આ સ્તર પર પહોંચશે. ત્યારે આજે સોનાના ભાવમાં નજીવો ઘટાડો થયો છે. આજે 24 કેરેટ સોનું 98,310 રૂપિયા પ્રતિ 10 ગ્રામ પર છે. ગઈકાલની સરખામણીમાં આજે 20 રુપિયાનો ઘટાડો થયો છે.

તમને જણાવી દઈએ કે છેલ્લા એક અઠવાડિયામાં 24 કેરેટ સોનું 580 રૂપિયા મોંઘુ થયું છે. તે જ સમયે, 22 કેરેટ સોનાના ભાવમાં 570 રૂપિયાનો વધારો થયો છે. ચાલો જાણીએ દિલ્હી,મુબંઈ અને ગુજરાતના શહેરોમાં આજે શું ભાવ પર છે સોનું.

દિલ્હીમાં 24 કેરેટ સોનાનો ભાવ 10 ગ્રામ દીઠ 98,310 રૂપિયા છે. 22 કેરેટનો ભાવ 90,170 રૂપિયા પ્રતિ 10 ગ્રામ છે. દિલ્હીમાં સોનાના ભાવમાં 20 રુપિયાનો ઘટાડો થયો છે.

હાલમાં, મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ 90,020 રૂપિયા છે, જ્યારે 24 કેરેટ સોનાનો ભાવ પ્રતિ 10 ગ્રામ 98,210 રૂપિયા છે.

અમદાવાદ, સુરત, રાજકોટ અને વડોદરામાં સોનાનો છૂટક ભાવ પ્રતિ 10 ગ્રામ 90,070 રૂપિયા છે. જ્યારે 24 કેરેટ સોનાનો ભાવ પ્રતિ 10 ગ્રામ 98,260 રૂપિયા છે.

બીજા કિંમતી ધાતુ ચાંદીની વાત કરીએ તો, અઠવાડિયા દરમિયાન તેની કિંમતમાં 1900 રૂપિયાનો વધારો થયો હતો. 27 એપ્રિલે ચાંદીનો ભાવ પ્રતિ કિલો 1,01,900 રૂપિયા હતો. શુક્રવાર, 25 એપ્રિલે, ઇન્દોરના બુલિયન બજારમાં ચાંદીનો સરેરાશ ભાવ 500 રૂપિયા ઘટીને 98900 રૂપિયા પ્રતિ કિલો થયો હતો.

માર્ચમાં દેશની સોનાની આયાત 192.13 ટકા વધીને $4.47 અબજ થઈ ગઈ. નાણાકીય વર્ષ 2024-25માં સોનાની આયાત 27.27 ટકા વધીને 58 અબજ ડોલર થઈ. નાણાકીય વર્ષ 2023-24માં તે 45.34 અબજ ડોલર હતી. માર્ચમાં ચાંદીની આયાત 85.4 ટકા ઘટીને 119.3 મિલિયન ડોલર થઈ. નાણાકીય વર્ષ 2024-25માં તે 11.24 ટકા ઘટીને 4.82 અબજ ડોલર થઈ.