આજે પણ ઘટ્યો સોનાનો ભાવ ! શું ખરેખર સસ્તું થઈ જશે સોનું જાણો અહીં

જોકે, સ્થાનિક બુલિયન બજારમાં ભાવ સતત ઘટી રહ્યા છે. જે ખરીદદારો માટે રાહતની વાત છે.

છેલ્લા ઘણા દિવસોથી ક્યારેક સોનાનો ભાવ ખૂબ જ વધી રહ્યો છે, તો ક્યારેક સોનાનો ભાવ ઘટી રહ્યો છે. હકીકતમાં, અમેરિકા અને ચીન વચ્ચે ચાલી રહેલા ટેરિફ વોરમાં સોનાના ભાવમાં તેજી આવી છે. જેના કારણે ગુરુવારે દેશના વાયદા બજારમાં સોનાના રેકોર્ડબ્રેક ભાવમાં વધારો થયો હતો. સોનાનો ભાવ 1 લાખ રૂપિયાને પાર કરી ગયો અને પછી ઘટાડો થયો. જોકે, આજે ફરી સોનાના ભાવમાં આંશિક ઘટાડો જોવા મળ્યો છે.

આજે 28 એપ્રિલ 2025 ના રોજ, દિલ્હીમાં 22 કેરેટ સોનું ₹90,160 પ્રતિ 10 ગ્રામ પર પહોચ્યું છે અને 24 કેરેટ સોનું ₹98,300 પ્રતિ ગ્રામ પર ચાલી રહ્યું છે. ગઈકાલની સરખામણીમાં આજે 24 કેરેટ સોનાના ભાવમાં 10 રુપિયાનો ઘટાડો થયો છે.

આ સિવાય હાલમાં, મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ 90,010 રૂપિયા છે, જ્યારે 24 કેરેટ સોનાનો ભાવ પ્રતિ 10 ગ્રામ 98,200 રૂપિયા છે.

તેમજ ગુજરાતના અમદાવાદ, સુરત, રાજકોટ અને વડોદરા જેવા શહેરોમાં આજે 24 કેરેટ સોનાનો ભાવ 98,250 રુપિયા પર ટ્રેડ કરી રહ્યો છે જ્યારે 22 કેરેટ સોનું 90,060ના આસપાસ છે અહીં પણ 22 અને 24 કેરેટ સોનાના ભાવમાં 10 રુપિયાનો ઘટાડો નોંધાયો છે.

બીજા કિંમતી ધાતુ ચાંદીની વાત કરીએ તો, આજે ચાંદીના ભાવમાં મોટો વધારો થયો છે આજે ચાંદી 1,01,800 રૂપિયા પ્રતિ કિલોના ભાવે છે.

હકીકતમાં, લગ્નની મોસમ પહેલા, સોનાના ભાવમાં ઝડપથી ઉથલપાથલ જોવા મળી રહી છે. નિષ્ણાતો કહે છે કે વેપાર યુદ્ધના પરિબળોને કારણે સોનાના ભાવમાં વધઘટ થઈ રહી છે. જોકે, સ્થાનિક બુલિયન બજારમાં ભાવ સતત ઘટી રહ્યા છે. જે ખરીદદારો માટે રાહતની વાત છે. જ્યારે, વાયદા બજારમાં ભાવમાં વધારો થઈ રહ્યો છે. તે જ સમયે, વિદેશી બજારોમાં પણ તેજી જોવા મળી રહી છે.

હવે દરેકના મનમાં એક પ્રશ્ન છે કે શું સોનાનો ભાવ 56,000 રૂપિયા સુધી ઘટી શકે છે? ગોલ્ડ માર્કેટના ઘણા નિષ્ણાતોના મતે, તાજેતરની ઘટનાઓ અને વૈશ્વિક આર્થિક પરિસ્થિતિઓને ધ્યાનમાં રાખીને, આગામી મહિનાઓમાં સોનાના ભાવમાં વધુ ઘટાડો થવાની સંભાવના છે, અને જો આ વલણ ચાલુ રહેશે તો સોનાની કિંમત જલદી ઘટી શકે છે