US ફેડના નિર્ણયની અસર, સેન્સેક્સ-નિફ્ટી નવા સર્વોચ્ચ સ્તરે પહોંચ્યા

ઓગસ્ટ મહિનાના પ્રથમ દિવસે, બંને શેરબજાર એક્સચેન્જ તેમની સર્વકાલીન ઉચ્ચ સપાટીએ પહોંચ્યા હતા.

આજે બજારમાં જબરદસ્ત ઉછાળો જોવા મળ્યો છે. સેન્સેક્સે પ્રથમ વખત 82,000નો આંકડો પાર કર્યો છે. તે જ સમયે નિફ્ટી પણ ઓલ ટાઈમ હાઈ પર ટ્રેડ થઈ રહ્યો છે. વાસ્તવમાં, યુએસ ફેડએ વ્યાજ દરો સ્થિર રાખવાનો નિર્ણય કર્યો છે. આ નિર્ણયની અસર શેરબજાર પર પડી છે.

આજે શરૂઆતના કારોબારમાં BSE સેન્સેક્સ 388.15 પોઈન્ટ અથવા 0.47 ટકાના વધારા સાથે 82,129.49 પોઈન્ટ પર ટ્રેડ કરી રહ્યો હતો. આ અત્યાર સુધીની સર્વકાલીન ઊંચી સપાટી છે. NSE પણ પ્રથમ વખત 25,000 પોઈન્ટના રેકોર્ડ સ્તરે પહોંચ્યો હતો. નિફ્ટી પણ શરૂઆતના વેપારમાં 127.15 પોઈન્ટ અથવા 0.50 ટકા વધીને 25,078.30 પર પહોંચ્યો હતો.

ટોપ ગેઇનર્સ અને લુઝર શેરો

જૂન ક્વાર્ટરના ઉત્કૃષ્ટ પરિણામો બાદ મારુતિ આજે સેન્સેક્સના શેરમાં 2.93 ટકાના ઉછાળા સાથે ટ્રેડ કરી રહ્યો છે. તે સેન્સેક્સનો ટોપ ગેનર છે. તે જ સમયે, અદાણી પોર્ટ્સ, પાવર ગ્રીડ, JSW સ્ટીલ અને ટાટા સ્ટીલના શેર પણ ઝડપથી ટ્રેડ થઈ રહ્યા છે.

ઇન્ડેક્સ હેવીવેઇટ્સ HDFC બેન્ક, રિલાયન્સ ઇન્ડસ્ટ્રીઝ અને ICICI બેન્કના શેરમાં ઉછાળાથી બજારને ફાયદો થયો હતો. બીજી તરફ એમએન્ડએમ, સન ફાર્મા, આઈટીસી, ઈન્ફોસિસ અને ટીસીએસના શેર લાલ નિશાનમાં ટ્રેડ થઈ રહ્યા છે.