શેરબજારો મામૂલી ઉછાળા સાથે ખૂલ્યું, સેન્સેક્સ-નિફ્ટીમાં આટલો વધારો

સપ્તાહના છેલ્લા ટ્રેડિંગ દિવસે શેરબજારમાં થોડો વધારો જોવા મળ્યો.

બોમ્બે સ્ટોક એક્સચેન્જ ઇન્ડેક્સ સેન્સેક્સ આજે 0.24 ટકા અથવા 193 પોઇન્ટના વધારા સાથે 80074 પોઇન્ટ પર ખુલ્યો હતો. આ સાથે નેશનલ સ્ટોક એક્સચેન્જનો સૂચકાંક નિફ્ટી શરૂઆતમાં 66 પોઈન્ટ અથવા 0.27 ટકાના વધારા સાથે 24382 ના સ્તર પર ખુલ્યો હતો.

આ પહેલા ગુરુવારે ભારતીય શેરબજારના બેન્ચમાર્ક ઈન્ડેક્સમાં થોડો ઘટાડો જોવા મળ્યો હતો. સેન્સેક્સ 27.43 પોઈન્ટ ઘટીને 79897.34 ના સ્તરે બંધ રહ્યો હતો. નિફ્ટીની વાત કરીએ તો તે 8.50 પોઈન્ટના ઘટાડા સાથે 24315.95 પર બંધ થયો હતો.