દેશના મેક્રો ઇકોનોમિક ફંડામેન્ટલ્સમાં વિશ્વાસ અને સ્થાનિક સ્તરે તરલતાની સ્થિતિમાં સુધારાની વચ્ચે નાની કંપનીઓના શેરોએ આ વર્ષે અત્યાર સુધીમાં રોકાણકારોને ઊંચું વળતર આપ્યું છે. BSE મિડકેપ ઈન્ડેક્સ આ વર્ષે 16 જુલાઈ સુધી 10,984.72 પોઈન્ટ્સ અથવા 29.81 ટકા વધ્યો છે, જ્યારે સ્મોલકેપ 11,628.13 પોઈન્ટ્સ અથવા 27.24 ટકા વધ્યો છે.
સ્વસ્તિક ઇન્વેસ્ટમાર્ટ લિમિટેડના મેનેજિંગ ડિરેક્ટર સુનિલ ન્યાતિએ જણાવ્યું હતું કે મિડકેપ અને સ્મોલકેપ શેરોના સારા પ્રદર્શનનું મુખ્ય કારણ સ્થાનિક સ્તરે રોકડમાં ઉછાળો છે. મ્યુચ્યુઅલ ફંડ્સ, પોર્ટફોલિયો મેનેજમેન્ટ સર્વિસીસ (PMS) અને ડાયરેક્ટ ઇન્વેસ્ટમેન્ટ દ્વારા આ ક્ષેત્રોમાં નોંધપાત્ર સ્થાનિક ભંડોળ વહે છે.
શા માટે શેર પાછળ રહિયા?
તેમણે કહ્યું કે અમે હાલમાં માળખાકીય બુલ માર્કેટમાં છીએ, જ્યાં મિડકેપ અને સ્મોલકેપ શેરો આઉટપરફોર્મ કરે છે. મોટા શેરોએ પણ સારું પ્રદર્શન કર્યું હોવા છતાં, વિદેશી સંસ્થાકીય રોકાણકારો (FIIs) દ્વારા વેચવાલીને કારણે તેઓ મિડકેપ અને સ્મોલકેપ શેરોથી પાછળ રહ્યા.