મહિનાના પ્રથમ દિવસે બજાર લીલા નિશાન પર ખુલ્યું, સેન્સેક્સ 72,800 પોઈન્ટને પાર

આજથી માર્ચ મહિનો શરૂ થયો છે. શેરબજાર મહિનાના પ્રથમ દિવસે અને ટ્રેડિંગ સપ્તાહના છેલ્લા દિવસે ખુલે છે. ગઈકાલે બજાર ઉતાર-ચઢાવ સાથે ગ્રીન નોટ પર બંધ થયું હતું.

આજે સેન્સેક્સ 391.45 પોઇન્ટ અથવા 0.54 ટકાના વધારા સાથે 72,891.75 પર અને નિફ્ટી 135.00 પોઇન્ટ અથવા 0.61 ટકાના વધારા સાથે 22,117.80 પર ખુલ્યો હતો. સમાચાર લખાય છે ત્યારે નિફ્ટી પર લગભગ 1929 શેર લીલા અને 455 શેર લાલ રંગમાં ટ્રેડ થઈ રહ્યા હતા.

નિફ્ટી પર ટાટા સ્ટીલ, હિન્દાલ્કો, બીપીસીએલ, બજાજ ઓટો, હીરો મોટોકોર્પમાં વધારો જોવા મળી રહ્યો છે, જ્યારે અપોલો હોસ્પિટલ, ઈન્ફોસિસ, સન ફાર્મા, નેસ્લે ઈન્ડિયા અને સિપ્લાના શેર ઘટાડા સાથે ટ્રેડ થઈ રહ્યા છે. સેન્સેક્સ કંપનીઓમાં, ટાટા સ્ટીલ, ટાટા મોટર્સ, જેએસડબ્લ્યુ સ્ટીલ, મહિન્દ્રા એન્ડ મહિન્દ્રા, લાર્સન એન્ડ ટુબ્રો, પાવર ગ્રીડ, ઇન્ડસઇન્ડ બેંક, મારુતિ, એનટીપીસી અને આઈસીઆઈસીઆઈ બેંક ટોપ ગેનર શેરો હતા. HCL ટેક્નોલોજીસ, ઈન્ફોસિસ, હિન્દુસ્તાન યુનિલિવર અને એશિયન પેઈન્ટ્સના શેરમાં ઘટાડા સાથે કારોબાર થઈ રહ્યો છે.