આજે શેરની ખરીદી-વેચાણ થશે નહીં, ગુડ ફ્રાઈડે નિમિત્તે શેરબજાર બંધ...!

માર્ચનું છેલ્લું ટ્રેડિંગ સપ્તાહ ઘણું નાનું હતું. આ અઠવાડિયે માત્ર 3 દિવસ બજારો ખૂલ્યું હતું. હોળીના અવસર પર સોમવારે બજાર બંધ હતું. આજે પણ બજારમાં કોઈપણ પ્રકારનો ધંધો થશે નહીં. દેશભરમાં ગુડ ફ્રાઈડેની ઉજવણી થઈ રહી છે, આ પ્રસંગે શેરબજાર બંધ છે. બીએસઈ અને એનએસઈમાં આજે કોઈ પણ પ્રકારનું ટ્રેડિંગ થયું નથી. હવે બજાર ફક્ત 1 એપ્રિલ 2024 (સોમવાર) ના રોજ ખુલશે.

BSE વેબસાઈટ પર ઉપલબ્ધ હોલિડે 2024 ની યાદી અનુસાર, આજે ઈક્વિટી સેગમેન્ટ, ઈક્વિટી ડેરિવેટિવ સેગમેન્ટ અને SLB સેગમેન્ટમાં કોઈ ટ્રેડિંગ થશે નહીં. આ સિવાય કરન્સી ડેરિવેટિવ્ઝ સેગમેન્ટમાં પણ કોઈ ટ્રેડિંગ થશે નહીં. MCX અને NCDEXના બંને સત્ર આજે બંધ છે.