દાહોદ : ગરબાડા રોડ ઉપર રાત્રીના સમયે ટ્રેક્ટર અને બોલેરો ગાડી વચ્ચે થયો અકસ્માત, બે ઘાયલ

દાહોદની ગરબાડા ચોકડી નજીક રાત્રીના સમયે ટ્રેક્ટર ચાલક પોતાની માલિકીનું ટ્રેક્ટર સર્વિસ કરાવડાવીને પોતાના ઘરે દેવધા ગામ તરફ જઈ રહ્યો હતો તે સમયે સાંગા ગામ નજીક ગરબાડા તરફથી બોલેરો પીકઅપનો ચાલક પોતાની બોલેરો પીકઅપને પુરપાટ રીતે હંકારી લઈને આવતો હતો. તે સમયે સામેથી આવતા ટ્રેક્ટર ચાલકને જોરભેર ટક્કર મારતા ટ્રેક્ટરનો ખુરદો બોલાવી નાખ્યો હતો અને ટ્રેક્ટરમાં સવાર બે લોકો ગંભીર રીતે ઘવાયા હતા.

ટ્રેક્ટર અને બોલેરો વચ્ચે ધડાકા ભેર ટક્કર થઈ હતી જેમાં બે લોકોને ગંભીર ઈજાઓ પહોંચતા બન્ને ઘાયલોને ખાનગી હોસ્પિટલમાં ખસેડ્યા હતા અને બોલેરો પીકઅપ ગાડીનો ચાલક અકસ્માત સર્જી બોલેરો મૂકી ભાગી ગયો હતો અને આ ઘટનાની જાણ દાહોદ તાલુકા પોલીસને કરાતા પોલીસ ઘટના સ્થળે આવી પહોંચી હતી અને બોલેરો ચાલક સામે અકસ્માતનો ગુનો નોંધી આગળ વધુ કાર્યવાહી હાથ ધરી હતી.