આજે મોહિની એકાદશી ,જાણો આ દિવસનું ખાસ મહત્વ અને ઉપાય

1લી મે સોમવાર હિંદુ કેલેન્ડર મુજબ, મોહિની એકાદશી વ્રત આજે એટલે કે વૈશાખ મહિનાની શુક્લ પક્ષની એકાદશી તિથિએ મનાવવામાં આવે છે. એવું માનવામાં આવે છે કે આ દિવસે ભગવાન વિષ્ણુએ મોહિનીનું સ્વરૂપ ધારણ કર્યું હતું અને દેવતાઓને અમૃત અર્પણ કર્યું હતું. ધાર્મિક માન્યતાઓ અનુસાર, મોહિની એકાદશીનું વ્રત કરવાથી અને ભગવાન વિષ્ણુની વિધિવત પૂજા કરવાથી સાધકને ધનની પ્રાપ્તિ થાય છે. કહેવાય છે કે એકાદશી અને સોમવાર યોગમાં વિષ્ણુ, શિવ અને ચંદ્રની પુજા કરવામાં આવે જ્ન્મકુંડળીના અનેક ગ્રહ દોષો દૂર થઈ શકે છે,જ્યારે આ દિવસે વિષ્ણુભગવાનની પુજા અને સાથે ઉપવાસ કરવાથી પુણ્ય મળે છે .

- ભગવાન વિષ્ણુ અને માતા લક્ષ્મીને પ્રસન્ન કરવા માટે મોહિની એકાદશી વ્રતના દિવસે દક્ષિણાવર્તી શંખની પૂજા કરો. આમ કરવાથી ધનની ખોટ અટકે છે અને આવકના નવા સ્ત્રોત પ્રાપ્ત થાય છે.

- મોહિની એકાદશી વ્રતના દિવસે તાંબાના વાસણમાં પાણીમાં થોડી ખાંડ મિક્સ કરીને પીપળના ઝાડને અર્પણ કરો અને સાંજે ઝાડ નીચે ઘીનો દીવો કરો. આમ કરવાથી ભગવાન વિષ્ણુ પ્રસન્ન થાય છે અને સાધકને ઋણમાંથી ઝડપથી મુક્તિ મળે છે.

- એકાદશી વ્રતના દિવસે સફળતા મેળવવા માટે પીપળ અથવા તુલસીની પૂજા કરો. તેની સાથે દૂધમાં થોડું કેસર મિક્સ કરીને ભગવાન વિષ્ણુને અભિષેક કરો. આમ કરવાથી ભગવાન વિષ્ણુ અને માતા લક્ષ્મી પ્રસન્ન થાય છે અને સાધકની તમામ મનોકામનાઓ પૂર્ણ કરે છે.

- મોહિની એકાદશી વ્રતના દિવસે સાંજે તુલસીના છોડની સામે ઘીનો દીવો પ્રગટાવો 'ॐ नमो वासुदेवाय नमः' મંત્રનો જાપ પણ કરો. આ પછી તુલસીના છોડની 11 કે 21 વાર પ્રદક્ષિણા કરો. આમ કરવાથી ઘરમાં સકારાત્મક ઉર્જા રહે છે અને પરિવારના સભ્યો વચ્ચે નિકટતા વધે છે.