ભગવાન શિવને માતા અન્નપૂર્ણા પાસેથી ભિક્ષા કેમ માંગવી પડી? જાણો રોચક કથા

હિન્દુ ધર્મમાં પુર્ણિમા તિથીનું ખાસ મહત્વ રહેલું છે, અન્નપૂર્ણા જયંતિ માગસર મહિનાની માર્ગશીર્ષ પૂર્ણિમાનીએ ઉજ્વવામાં આવે છે. દંતકથા અનુસાર, આ તિથિએ માતા પાર્વતીએ માતા અન્નપૂર્ણાનું રૂપ ધારણ કર્યું હતું. આવી સ્થિતિમાં, આ વર્ષે અન્નપૂર્ણા જયંતિ 26 ડિસેમ્બર 2023, મંગળવારના રોજ ઉજવવામાં આવી રહી છે. પરંતુ શું શા માટે માતા પાર્વતીએ માતા અન્નપૂર્ણાનું રૂપ ધારણ કર્યું તે પાછળની એક કથા જોડાયેલી છે, તો ચાલો જાણીએ...

આ વર્ષે માગસર મહિનાની પૂનમ તિથિ 26 ડિસેમ્બર 2023ના રોજ સવારે 05:46 કલાકે શરૂ થઈ છે. ઉપરાંત, તે 27 ડિસેમ્બરે સવારે 06:02 વાગ્યે સમાપ્ત થશે. આવી સ્થિતિમાં 26મી ડિસેમ્બરને મંગળવારે અન્નપૂર્ણા જયંતિની ઉજવણી કરવામાં આવશે.

અન્નપૂર્ણા જયંતિ કથા :-

દંતકથા અનુસાર, એક સમયે, પૃથ્વી પર ખોરાક અને પાણીની તીવ્ર અછત હતી. જેના કારણે ચારેબાજુ હાહાકાર મચી ગયો હતો. આવી સ્થિતિમાં, મનુષ્યોએ મળીને બ્રહ્મા, વિષ્ણુ અને મહેશ એટલે કે ભગવાન શિવની પૂજા આરાધના કરી. ભક્તોની પ્રાર્થના સાંભળીને વિષ્ણુજીએ મહાદેવજીને તેમની યોગનિદ્રામાંથી જગાડ્યા અને તેમની આખી વાર્તા સંભળાવી. પછી ભગવાન શિવે સાધુ અને માતા પાર્વતીએ અન્નપૂર્ણાનું રૂપ ધારણ કર્યું.

ભગવાન શિવે માતા અન્નપૂર્ણા પાસેથી ભિક્ષા માંગી અને પૃથ્વી પર આવીને તમામ મનુષ્યોમાં ભોજન વહેંચ્યું. ધાર્મિક માન્યતાઓ અનુસાર, આ પછી પૃથ્વી પર ક્યારેય ખોરાક અને પાણીની અછત નથી. ત્યારથી માતા અન્નપૂર્ણાની પૂજા કરવામાં આવે છે. એવું માનવામાં આવે છે કે માતા પાર્વતીએ માર્ગશીર્ષની પૂર્ણિમાના દિવસે અન્નપૂર્ણાનું રૂપ ધારણ કર્યું હતું, તેથી દર વર્ષે આ તારીખે અન્નપૂર્ણા જયંતિ ઉજવવામાં આવે છે. અને માતા અન્નપૂર્ણાનું વ્રત પણ 21 દિવસ કરવામાં આવે છે.