ઉત્તર પ્રદેશમાં 15 દિવસની શિયાળાની રજાઓ જાહેર કરવામાં આવી છે, શાળાઓ 31 ડિસેમ્બરથી 14 જાન્યુઆરી સુધી રહેશે બંધ...

શિયાળની ઋતુની શરૂઆત થતાં દેશભરમાં તીવ્ર ઠંડીએ દસ્તક આપવાનું શરૂ કરી દીધું છે. શિયાળાને જોતા ઘણા રાજ્યોમાં શિયાળાની રજાઓ જાહેર કરવામાં આવી છે. મળતી માહિતી પ્રમાણે ઉત્તર પ્રદેશમા ઠંડીને ધ્યાનમાં રાખીને શિયાળાના વેકેશનને લગતી માહિતી જાહેર કરી છે.

31 ડિસેમ્બર, 2023 થી ઉત્તર પ્રદેશના તમામ જિલ્લાઓમાં કાઉન્સિલ શાળાઓને બંધ કરવાની જાહેરાત કરવામાં આવી છે. આ રજાઓ શિયાળાના વેકેશન હેઠળ આપવામાં આવશે. 31 ડિસેમ્બર 2023 થી 14 જાન્યુઆરી 2024 સુધી શાળાઓ બંધ રહેશે. આ રીતે વિદ્યાર્થીઓને શિયાળાના વેકેશન માટે 15 દિવસની રજા આપવામાં આવી રહી છે.

શાળા શિક્ષણ મહાનિર્દેશક વતી, તમામ જિલ્લાઓની શાળાઓને રજાઓ દરમિયાન બાળકોને હોમવર્ક આપવા સૂચના પણ આપવામાં આવી છે જેથી તેઓ તેમના અભ્યાસમાં ધ્યાન કેન્દ્રિત કરી શકે, જેથી શિક્ષણ પર ઓછામાં ઓછી અસર થાય.

શૈક્ષણિક કેલેન્ડરમાં 31 ડિસેમ્બરથી 14 જાન્યુઆરી સુધી શિયાળાની રજાઓ જાહેર કરવાની વાત કરી હતી. તેને જોતા હવે ઉત્તર પ્રદેશના તમામ જિલ્લાઓમાં શાળાઓ આ તારીખોએ બંધ રાખવાની જાહેરાત કરવામાં આવી છે.

14મી ડિસેમ્બર સુધી રજાઓ દરમિયાન ઠંડી પર સતત નજર રાખવામાં આવશે. જો ઠંડી ચાલુ રહેશે તો આ રજાઓ લંબાવવામાં આવી શકે છે. એવું જોવામાં આવે છે કે હવે ઠંડીનું મોજું ક્યારેક 20 જાન્યુઆરી પછી પણ ચાલુ રહે છે. તેથી તેની સતત સમીક્ષા કરવામાં આવશે.