ભરૂચનું “ગૌરવ” : લક્ષ્મીનારાયણ દેવ કોલેજ ઓફ ફાર્મસીની 4 વિદ્યાર્થીનીએ GTU-ફાર્મસીની પરીક્ષામાં શ્રેષ્ઠ ક્રમાંક પ્રાપ્ત કર્યો...

ગુજરાત ટેકનોલોજીકલ યુનિવર્સિટી દ્વારા વર્ષ 2024-25માં લેવાયેલ બી ફાર્મના છઠ્ઠા  તેમજ આઠમા  સેમેસ્ટરની વાર્ષિક પરીક્ષામાં ભરૂચની લક્ષ્મીનારાયણ દેવ કોલેજ ઓફ ફાર્મસીની વિદ્યાર્થીઓએ શ્રેષ્ઠ ગુણ પ્રાપ્ત કરી કોલેજ તથા પરિવારનું ગૌરવ વધાર્યું છે. 

ભરૂચ શહેરના ભોલાવ વિસ્તારમાં આવેલી અને વાલીઓ તથા વિદ્યાર્થીઓમાં લોકપ્રિય બની રહેલી લક્ષ્મીનારાયણ દેવ કોલેજ ઓફ ફાર્મસી અભ્યાસની સાથે સાથે ઇતર પ્રવૃતિઓ થકી છાત્રોમાં રહેલી ગર્ભિત શક્તિઓને બહાર લાવવા માટે સતત પ્રયાસશીલ રહેતી હોય છે.

ગુજરાત ટેકનોલોજીકલ યુનિવર્સિટી દ્વારા વર્ષ 2024-25માં લેવાયેલ બી ફાર્મના ચોથા, છઠ્ઠા તેમજ આઠમા સેમેસ્ટરની વાર્ષિક પરીક્ષામાં ભરૂચની લક્ષ્મીનારાયણ દેવ કોલેજ ઓફ ફાર્મસીની વિદ્યાર્થીની રિઝવાનાએ છઠ્ઠા સેમેસ્ટરમાં ત્રીજા ક્રમાંકે SPI 9.79, સુખદીપ કૌરએ ચોથા સેમેસ્ટરમાંછઠ્ઠા ક્રમાંકે SPI 9.46, હુમેરાએ આઠમા સેમેસ્ટરમાં છઠ્ઠા ક્રમાંકે SPI 9.45 તેમજ અલીફિયાએ આઠમા ક્રમાંકે SPI 9.45 ગુણ પ્રાપ્ત કરી કોલેજ તથા પરિવારનું ગૌરવ વધાર્યું છે. વિદ્યાર્થીનીઓની અનોખી સિદ્ધિ બદલ લક્ષ્મીનારાયણ દેવ કોલેજ ઓફ ફાર્મસી ભરૂચના સમસ્ત ટ્રસ્ટીગણ, પ્રિન્સીપાલ અને સ્ટાફગણ દ્વારા અભિનંદન પાઠવવામાં આવ્યા છે.