ભરૂચ : નારાયણ વિદ્યાલય ખાતે બોર્ડ પરીક્ષાર્થીઓનો શુભેચ્છા સમારોહ યોજાયો...

ભરૂચની નારાયણ વિદ્યાલય શાળા ખાતે ઘોરણ 10 અને 12ના વિજ્ઞાન અને સામાન્ય પ્રવાહના વિદ્યાર્થીઓનો શુભેચ્છા તેમજ સન્માન સમારોહ યોજાયો હતો. ભરૂચ શહેરના શક્તિનાથ વિસ્તારમાં આવેલી નારાયણ વિધાલય શાળા ખાતે ધોરણ 10 અને 12ના વિજ્ઞાન અને સામાન્ય પ્રવાહના વિદ્યાર્થીઓનો શુભેચ્છા તેમજ સન્માન સમારોહ યોજાયો હતો.

આ સાથે જ નારાયણ ધ્વનિ ગુજરાતી માધ્યમ અંક-30 અને અંગ્રેજી માધ્યમ અંક 6-31 તથા જ્ઞાનસત્ર વિશેષાંકની વિમોચન વિધિ યોજાય હતી. રાજ્યકક્ષા, રાષ્ટ્રીય કક્ષાએ ભાગ લેનાર વિદ્યાર્થીઓ અને માર્ગદર્શક શિક્ષકોનું ઉપસ્થિત મહાનુભાવોના હસ્તે સન્માન કરવામાં આવ્યું હતું. આ પ્રસંગે GFLના HR હેડ અને દહેજ ઇન્ડસ્ટ્રીયલ એસોશીએશન પ્રમુખ ડૉ. સુનીલ ભટ્ટ, રવિરત્ન મોટર્સના ડિરેક્ટર પિનાકીન શાહ, અમી શાહ, નારાયણ વિદ્યાલય-ભરૂચના પ્રમુખ જે.ડી.પંચાલ, ચેરમેન હેમંત પ્રજાપતિ, ડિરેક્ટર ડૉ. ભગુ પ્રજાપતિ ઉપસ્થિત રહ્યા હતા. ઉપસ્થિત મહાનુભાવોએ વિદ્યાર્થીઓ સમક્ષ માણસે સફળ જીવન કરતા સાર્થક જીવનની પરીકલ્પના શું છે, તે વિષે સમજ આપી તથા પરીશ્રમ અને મહેનતથી ધ્યેય સુધી પહોચવું તેવા પ્રકારનું માર્ગદર્શન આપી બોર્ડ પરીક્ષામાં ઉજ્જવળ દેખાવ કરવાની શુભેચ્છા આપી હતી.