શું તમે એજ્યુકેશન લોન લેવા માંગો છો ? તો વાંચો ક્યાં ક્યાં ડોક્યુમેન્ટની જરૂર પડશે...

આ દિવસે ને દિવસે બાળકોને ભણાવવા માટે વાલીઓ માથે ફી નું ભારણ વધ્યું છે, અને તેમાય સારા એજ્યુકેશન વિદ્યાર્થીઓ આઉટ ઓફ કન્ટ્રી જવાનું પસંદ કરે છે પરંતુ તેના માટે બેંક લોન માટે, અમુક પુરાવાની જરૂર પડે છે, ઘણી વખત એવી પરિસ્થિતિઓ ઊભી થાય છે કે પસંદગીની કારકિર્દી સામે નાણાકીય સમસ્યાઓ ઊભી થાય છે. વિદ્યાર્થીઓ પાસે સંબંધિત સંસ્થાની મોટી ફી ભરવા માટે પૂરતા પૈસા નથી. આવી પરિસ્થિતિઓમાં, કેટલીકવાર તેઓએ ન આગડ ભણવાનો નિર્ણય લેવો પડે છે.

જો કે, આવા પ્રસંગોએ એજ્યુકેશન લોન ઘણી મદદરૂપ સાબિત થાય છે. મેડિકલ, એન્જિનિયરિંગ અને મેનેજમેન્ટ સહિતના અન્ય અભ્યાસક્રમો માટે બેંક તરફથી આ લોન ફી ભરવાની સમસ્યામાંથી ઘણી હદ સુધી રાહત આપે છે. વિદેશમાં ભણવાનું સપનું પણ આની મદદથી સાકાર થઈ શકે છે. હવે જો તમે પણ આ દિશામાં વિચારી રહ્યા છો, તો આજે અમે તમને જણાવવા જઈ રહ્યા છીએ કે, જો તમે એજ્યુકેશન લોન લેવા માંગો છો, તો તમારે કયા દસ્તાવેજોની જરૂર પડશે.

બેંક લોન માટે, ઉમેદવારોએ 10મી, 12મી માર્કશીટ, બેંક પાસબુક, આવકનું પ્રમાણપત્ર, ઓળખનો પુરાવો (પાસપોર્ટ/ડ્રાઈવિંગ/મતદાર આઈડી), પ્રવેશ પરીક્ષાનું પરિણામ, જે કોર્સ માટે પ્રવેશ પરીક્ષા પાસ થઈ છે તેનો પુરાવો, ઉંમરનો પુરાવો, રજૂ કરવાની જરૂર છે. વિદ્યાર્થીઓ અને માતા-પિતા બંનેના આધાર કાર્ડ સહિત અન્ય દસ્તાવેજો જરૂરી છે. આ સાથે એ પણ તપાસવામાં આવે છે કે અરજદાર પાસે અગાઉની કોઈ લોન છે કે કેમ.

એજ્યુકેશન લોન માટે કઈ લાયકાત જરૂરી છે ? :-

આ લોન માટે અરજી કરનારા ઉમેદવારો દેશના નાગરિક હોવા આવશ્યક છે. અરજદારનો શૈક્ષણિક રેકોર્ડ સારો હોવો જોઈએ. ઉપરાંત, ઉમેદવાર જે કોર્સ માટે અરજી કરવા માંગે છે તેની રોજગાર ટકાવારી કેટલી છે. આ પાસાઓ અને અન્ય ઘણી બાબતોને ધ્યાનમાં લીધા પછી, વિદ્યાર્થીઓ આ લોન માટે પાત્ર બને છે. બેંક અલગ અલગ લોન આપે છે. આ અંતર્ગત કેટલીક લોન વિદ્યાર્થીઓ પોતે જ લે છે. તે જ સમયે, કેટલીકવાર માતાપિતા તેમના બાળકના શિક્ષણના નામે બેંકમાંથી લોન પણ લે છે.