હૈદરાબાદમાં શૂટિંગ દરમિયાન 'ધ વેક્સીન વોર'ના સેટ પર અભિનેત્રી પલ્લવી જોશીને પહોંચી ઈજા

'ધ કાશ્મીર ફાઇલ્સ'ના ડિરેક્ટર વિવેક અગ્નિહોત્રી અને નિર્માતા અભિષેક અગ્રવાલ હવે તેમના આગામી પ્રોડક્શન 'ધ વેક્સીન વૉર'માં વ્યસ્ત છે. આ ફિલ્મમાં નેશનલ એવોર્ડ વિજેતા અભિનેત્રી અને વિવેક અગ્નિહોત્રીની પત્ની પલ્લવી જોશી પણ મહત્વની ભૂમિકા ભજવી રહી છે. યુનિટના સૂત્રોના જણાવ્યા અનુસાર હૈદરાબાદમાં શૂટિંગ દરમિયાન 'ધ વેક્સીન વોર'ના સેટ પર અભિનેત્રીને ઈજા પહોંચી છે.

સ્થળ પર હાજર સૂત્રોએ જણાવ્યું હતું કે આ ત્યારે થયું જ્યારે તે ત્યાં ફિલ્મમેકરની બીજી ફિલ્મ 'ધ વેક્સીન વોર'નું શૂટિંગ કરી રહી હતી. અહીં એક વાહને પોતાનું સંતુલન ગુમાવ્યું અને અભિનેત્રીને ટક્કર મારી હતી. જોકે તે તેનો સીન શૂટ કર્યા બાદ તેને હોસ્પિટલ ખસેડવામાં આવી હતી. કહેવામાં આવી રહ્યું છે કે હાલ અભિનેત્રી ઠીક છે. શૂટિંગ દરમિયાન અભિનેત્રીએ ઇન્સ્ટાગ્રામ પર એક ફોટો પણ શેર કર્યો છે.

'ધ વેક્સીન વોર' કોવિડ-19 રોગચાળા દરમિયાન તબીબી સમુદાય અને વૈજ્ઞાનિકોના અવિરત સમર્થન અને સમર્પણને વિશેષ સન્માન અર્પે છે. આ ફિલ્મ ભારતીય વૈજ્ઞાનિક અને એવા લોકો પર આધારિત છે કે જેમણે કોવિડ સામે રસી વિકસાવવા માટે બે વર્ષથી વધુ સમય સુધી પોતાના દિવસ-રાતનું બલિદાન આપ્યું છે. આ ફિલ્મ એક ભારતીય વૈજ્ઞાનિકની વાર્તાની બાજુ જણાવે છે જે વૈશ્વિક ઉત્પાદકના દબાણથી બચી ગયો અને પ્રતિકૂળ સંજોગોમાં પોતાના દેશવાસીઓના જીવ બચાવવા માટે કામ કર્યું.