આદિત્ય સિંહ રાજપૂતનું મોત, બાથરૂમમાંથી મળ્યો મૃતદેહ..!

સોમવારે બપોર મનોરંજન ઉદ્યોગ માટે ખરાબ સમાચાર મળ્યા હતા. પ્રખ્યાત એક્ટર અને મોડલ આદિત્ય સિંહ રાજપૂતના મોતના સમાચાર શંકાસ્પદ સંજોગોમાં સામે આવ્યા છે. અહેવાલો મુજબ, તેનો મૃતદેહ તેના અંધેરીના ઘરના વોશરૂમમાં ફ્લોર પર પડેલો મળ્યો હતો. તેને હોસ્પિટલ લઈ જવામાં આવ્યો. જ્યાં ડોક્ટરોએ તેને મૃત જાહેર કર્યો.

32 વર્ષીય અભિનેતા ઓશિવારા વિસ્તારમાં રહેણાંક મકાનના 11મા માળે ફ્લેટમાં રહેતો હતો. તેણે આ એપાર્ટમેન્ટ તેના એક મિત્ર સાથે શેર કર્યું હતું. મૃત્યુનું ચોક્કસ કારણ હજુ સુધી જાણી શકાયું નથી, પરંતુ પ્રાથમિક તપાસ મુજબ મૃત્યુનું કારણ શંકાસ્પદ ડ્રગ ઓવરડોઝ હોઈ શકે છે. ઓશિવરા પોલીસ તમામ એંગલથી મામલાની વધુ તપાસ કરી રહી છે.

આદિત્યના મૃત્યુથી તેના મિત્રો અને ચાહકો હચમચી દીધા છે. આદિત્ય હવે તેમની સાથે નથી એ વાત કોઈ માની શકે એમ નથી. આદિત્યએ 17 વર્ષની ઉંમરે મોડલિંગ કરિયરની શરૂઆત કરી હતી. આ પછી તેણે કેટલાક શોમાં કામ કર્યું. આદિત્યને 'સ્પ્લિટ્સવિલા' અને 'ગાંડી બાત' શોમાં કામ કરીને ઓળખ મળી હતી. આ સાથે તેણે ઘણી જાહેરાતોમાં પણ કામ કર્યું હતું.