ANIMAL : રણબીરની ફિલ્મ એનિમલએ ત્રીજા દિવસે કરી બમ્પર કમાણી.!

ડિસેમ્બરની શરૂઆત બોક્સ ઓફિસ પર મોટા પડદા પર બે ફિલ્મો સાથે રિલીઝ થઇ છે. રણબીર કપૂરની એનિમલ અને વિકી કૌશલની સેમ બહાદુર પહેલી તારીખથી સિનેમાઘરોમાં રિલીઝ થઈ છે. જ્યારે એક તરફ એનિમલ કમાણીના રેકોર્ડ બનાવી રહ્યા છે. ત્યારે સામ બહાદુર પણ ટિકિટ બારી પર મક્કમપણે છે. 

રણબીર કપૂરની એનિમલ આ વર્ષની મોસ્ટ અવેટેડ ફિલ્મોમાંની એક હતી. આ ફિલ્મમાં તેના સિવાય રશ્મિકા મંદન્ના, બોબી દેઓલ અને અનિલ કપૂર લીડ રોલમાં જોવા મળશે. સંદીપ રેડ્ડી વાંગા દ્વારા દિગ્દર્શિત આ ફિલ્મને દર્શકોનો પૂરો સાથ મળ્યો છે. શરૂઆતના દિવસે ફિલ્મે બધાને ચોંકાવી દીધા હતા અને 63.8 કરોડ રૂપિયાનું કલેક્શન કર્યું હતું.

બીજા દિવસે, ફિલ્મે છલાંગ લગાવી અને 66.27 કરોડ રૂપિયાનું કલેક્શન કર્યું. ત્રીજા દિવસે ફરી એકવાર ફિલ્મની કમાણીમાં વધારો થયો છે. રવિવારે એનિમલ રૂ. 72.50 કરોડના આંકડાને સ્પર્શવામાં સફળ રહ્યો. આ સાથે ફિલ્મનો કુલ બિઝનેસ 202.57 કરોડ રૂપિયા પર પહોંચી ગયો છે.