રવિ દુબે અને સરગુન મહેતાએ તેમના પ્રોડક્શન હેઠળ ઘણી સિરિયલો બનાવી છે. હવે આ પ્રખ્યાત કપલ ​​OTT તરફ વળ્યું છે અને તેમના પ્રથમ પ્રોજેક્ટનું નામ છે 'લવલી લોલા'. આ સિરીઝમાં ગૌહર ખાન સાથે તેમના પ્રોડક્શનની ઈન-હાઉસ ટેલેન્ટ ઈશા માલવિયા મુખ્ય ભૂમિકામાં જોવા મળશે.

ગૌહર ખાન રવિ દુબે અને સરગુન મહેતાની ડ્રીમિયાતા ડ્રામા પ્રોડક્શનની નવી સિરીઝ 'લવલી લોલા'માં મુખ્ય ભૂમિકામાં જોવા મળશે. આ સિરીઝમાં તે 18 વર્ષની છોકરીની માતાની ભૂમિકા ભજવી રહી છે.

સૂત્રો પાસેથી મળેલી માહિતી મુજબ ગૌહર 21 વર્ષની બિગ બોસ 17ની સ્પર્ધક ઈશા માલવીયાની માતાની ભૂમિકા નિભાવતી જોવા મળશે. બંનેની એક રીલ સોશિયલ મીડિયા પર વાયરલ થઈ રહી છે અને આ રીલમાં બંને મસ્તીભર્યો ડાન્સ કરતા જોવા મળી રહ્યા છે.

ગૌહર ખાન અને ઈશા માલવિયાની આ સિરીઝનું શૂટિંગ પંજાબના ચંદીગઢમાં શરૂ થઈ ગયું છે. રવિ-સરગુન સાથે ગૌહરનો આ પહેલો પ્રોજેક્ટ છે

ઈશા માલવીયા આ પહેલા રવિ-સરગુન મહેતા સાથે પણ કામ કરી ચુકી છે. ઈશાની કરિયરની શરૂઆત 'ઉદરિયાં'થી થઈ હતી. આ સિરિયલનું શૂટિંગ પણ ચંદીગઢમાં જ થયું હતું.

ગૌહર ખાન અને ઈશા માલવિયા બંને બિગ બોસની સ્પર્ધક રહી ચૂકી છે. આમ તો બંને સલમાન ખાનના શોની અલગ-અલગ સિઝનમાં જોવા મળ્યા હતા. પરંતુ બંને પહેલી જ મુલાકાતમાં એકબીજા સાથે જોડાઈ ગયા છે.

ગૌહર અને ઈશાની આ વેબ સિરીઝ OTT પ્લેટફોર્મ પર રિલીઝ થવા જઈ રહી છે. આ એક મર્યાદિત એપિસોડ ડ્રામા સિરીઝ હશે, જેને દર્શકો આસાનીથી જોઈ શકશે.