હૃતિકની ફિલ્મે પહેલા દિવસે કરી એવરેજ કમાણી, જાણો કેવું રહ્યું પ્રદર્શન?

આ વર્ષની બીજી બહુપ્રતિક્ષિત ફિલ્મ 'વિક્રમ વેધા' આખરે આજે સિનેમાઘરોમાં રિલીઝ થઈ છે. બોલિવૂડ અભિનેતા હૃતિક રોશન અને સૈફ અલી ખાન અભિનીત 'વિક્રમ વેધા' એ જ નામની સાઉથની ફિલ્મની હિન્દી રિમેક છે. બોલિવૂડના હેન્ડસમ હંક રિતિક રોશનને આ ફિલ્મ સાથે મોટા પડદા પર પરત જોવા માટે દર્શકો લાંબા સમયથી રાહ જોઈ રહ્યા હતા. આવી સ્થિતિમાં હવે આ બહુપ્રતિક્ષિત ફિલ્મની પ્રથમ દિવસની કમાણીના પ્રારંભિક આંકડા સામે આવ્યા છે, જે અપેક્ષા કરતા ઓછા છે. આવો જાણીએ 'વિક્રમ વેધ' એ પહેલા દિવસે કેટલી કમાણી કરી...

પ્રારંભિક આંકડાઓ અનુસાર, 'વિક્રમ વેધા'એ તેના શરૂઆતના દિવસે સરેરાશ કમાણી કરીને કુલ 11.50 કરોડ રૂપિયાનું કલેક્શન કર્યું છે. જો કે આ આંકડાઓ અત્યારે બદલાઈ શકે છે પરંતુ તેમ છતાં આ કલેક્શન ફિલ્મના બજેટ પ્રમાણે આશાસ્પદ નથી. જોકે, ફિલ્મ રિલીઝ થતાંની સાથે જ સોશિયલ મીડિયા પર જે હકારાત્મક પ્રતિક્રિયાઓ મળી હતી તે જોઈને એવું લાગી રહ્યું હતું કે 'વિક્રમ વેધા' પહેલા દિવસે ટિકિટ બારી પર ઘણી કમાણી કરશે. જો કે આવનારા દિવસોમાં ફિલ્મનું શું થશે તે તો સમય જ કહેશે.

190 કરોડના જંગી બજેટમાં બનેલી ફિલ્મ 'વિક્રમ વેધા' માટે પ્રથમ દિવસે આ પ્રકારનું કલેક્શન બહુ સારું માનવામાં આવતું નથી. આ ફિલ્મ ભારતભરમાં ખૂબ જ ધૂમધામથી રજૂ કરવામાં આવી હતી. સૈફ અને હૃતિકની આ જુગલબંધી 4007 સ્ક્રીન્સ પર પ્રેક્ષકો માટે રજૂ કરવામાં આવી હતી. તેના કલેક્શનને જોતા રિમેક પ્રત્યે લોકોની ઘટતી જતી રુચિને પણ માની શકાય છે. વાસ્તવમાં, સાઉથની ફિલ્મમાં બધાએ આ જ વાર્તા જોઈ છે.