પ્રભાસ-દીપિકાની ફિલ્મ 'કલ્કી 2898 AD'નું ટીઝર રિલીઝ, મેકર્સે બદલી દીધું ટાઇટલ
પ્રભાસ, દીપિકા પાદુકોણ, અમિતાભ બચ્ચન અને કમલ હાસન સ્ટારર ફિલ્મ 'Project-K' નું ટીઝર રિલીઝ થયું છે.
પ્રભાસ, દીપિકા પાદુકોણ, અમિતાભ બચ્ચન અને કમલ હાસન સ્ટારર ફિલ્મ 'Project-K' નું ટીઝર રિલીઝ થયું છે. આ સાથે નિર્માતાઓએ ફિલ્મના ,મેઈન ટાઇટલની પણ જાહેરાત કરી છે. હવે ફિલ્મનું નામ 'Project-K' થી બદલીને કલ્કિ 2898 AD' કરવામાં આવ્યું છે.
આ ફિલ્મના અસલી ટાઇટલની સત્તાવાર જાહેરાત યુએસમાં 'સાન ડિએગો કોમિક કોન ઇવેન્ટ'માં થઈ હતી. ટાઇટલ સિવાય, નિર્માતાઓએ ઇવેન્ટમાં ટીઝર અને રિલીઝ તારીખની જાહેરાત કરી હતી. ટીઝર જોઈને લાગે છે કે આ ફિલ્મ ભવિષ્ય પર આધારિત છે.
આ ફિલ્મ 24 જાન્યુઆરી 2024ના રોજ બોક્સ ઓફિસ પર રિલીઝ થશે. યુટ્યુબ પર રિલીઝ થયેલા આ ટીઝરને 8 કલાકમાં 2.6 મિલિયનથી વધુ વખત જોવામાં આવ્યું છે. ટીઝરને ચાહકો તરફથી સારો પ્રતિસાદ મળી રહ્યો છે. આ પહેલાં મેકર્સે બુધવારે પ્રભાસનો ફર્સ્ટ લુક રિલીઝ કર્યો હતો. જોકે ફેન્સને તેનો ગેટઅપ વધારે પસંદ આવ્યો ન હતો.
નેગેટિવ કોમેન્ટ્સ મળ્યા બાદ એક્ટરનો ફર્સ્ટ લૂક સોશિયલ મીડિયા પરથી હટાવી દેવામાં આવ્યો હતો.