પ્રભાસની ફિલ્મ “સલાર” એક્શનથી છે ભરપૂર, પહેલા દિવસે કરી રેકોર્ડબ્રેક કમાણી..!

અભિનેતા પ્રભાસની ફિલ્મ 'સાલરઃ પાર્ટ 1 - સીઝફાયર'એ બોક્સ ઓફિસ પર રેકોર્ડબ્રેક ઓપનિંગ કરી છે. આ ફિલ્મને વિવેચકો અને ચાહકો બંને તરફથી ઘણી પ્રશંસા મળી છે. બોક્સ ઓફિસ પર લગભગ 90 કરોડ રૂપિયાની ઓપનિંગ લેનારી આ ફિલ્મના ક્લાઈમેક્સને ડિરેક્ટરે એવી જગ્યાએ છોડી દીધા છે જ્યાં ફેન્સ તેના બીજા ભાગની રાહ જોઈ રહ્યા છે. 'સાલાર'ની વાર્તા પૂરી થતાની સાથે જ એ પણ સ્પષ્ટ થઈ ગયું છે કે ફિલ્મની સિક્વલ પણ આવશે અને તે ક્યા નામ સાથે આવશે તે પણ જાહેર થઈ ગયું છે.

પ્રશાંત નીલ દ્વારા નિર્દેશિત 'સલાર' 22 ડિસેમ્બરના રોજ સિનેમાઘરોમાં રિલીઝ થઈ હતી. એવું માનવામાં આવતું હતું કે આ ફિલ્મને શાહરૂખ ખાનની 'ડંકી'થી સખત સ્પર્ધાનો સામનો કરવો પડશે, પરંતુ બોક્સ ઓફિસ પર સ્થિતિ તેનાથી વિપરીત જોવા મળી રહી છે. પ્રભાસની ફિલ્મને લઈને ચાહકોમાં એક પ્રકારનું પાગલપણું જોવા મળી રહ્યું છે. આ જ કારણ છે કે શુક્રવારે ફર્સ્ટ ડે શો જોવા માટે લોકો મોટી સંખ્યામાં થિયેટરમાં પહોંચ્યા હતા. ફિલ્મે શાનદાર ઓપનિંગ લીધી હતી. ફિલ્મની સિક્વલનું શીર્ષક પણ 'સાલરઃ પાર્ટ 1 સીઝફાયર'ની છેલ્લી ક્રેડિટમાં જાહેર કરવામાં આવ્યું છે.

એડવાન્સ બુકિંગમાં ફિલ્મ 'સલાર'ને જોરદાર રિસ્પોન્સ મળ્યો છે. અહીંથી ફિલ્મ કિંગ ખાનની 'ડંકી'ને પાછળ છોડી રહી હતી. ઓપનિંગ કલેક્શને સાબિત કર્યું કે પ્રભાસે 'આદિપુરુષ'ના ફ્લોપ પછી જોરદાર કમબેક કર્યું છે. સામે આવેલા આંકડાઓ અનુસાર, ફિલ્મે બોક્સ ઓફિસ પર 95 કરોડ રૂપિયાની કમાણી સાથે પોતાનું ખાતું ખોલ્યું છે. આમ કરીને 'સલારે' આ વર્ષે રિલીઝ થયેલી ત્રણેય કિંગ ખાનની ફિલ્મો 'પઠાણ', 'જવાન' અને 'ડિંકી'નો એક સાથે રેકોર્ડ તોડી નાખ્યો છે. આ સાથે 'સલાર'એ શરૂઆતના દિવસે જ અન્ય ઘણી ફિલ્મોની કમાણી પર કચડી નાંખી છે.