'પુષ્પા 2'નું નવું પોસ્ટર રિલીઝ,રશ્મિકા-અલ્લુ અર્જુનની નવી કેમેસ્ટ્રી જોવા મળી !

અલ્લુ અર્જુન અને રશ્મિકા મંદન્નાની ફિલ્મ 'પુષ્પા 2' 5 ડિસેમ્બર, 2024ના રોજ રીલિઝ થશે. આ ફિલ્મના ઘણા પોસ્ટર અને ગીતો રિલીઝ કરવામાં આવ્યા છે. આજે દિવાળીના અવસર પર 'પુષ્પા 2'નું નવું પોસ્ટર રિલીઝ કરવામાં આવ્યું છે, જેમાં રશ્મિકા અને અલ્લુ અર્જુન વચ્ચેની જોરદાર કેમેસ્ટ્રી જોવા મળી રહી છે.રશ્મિકા મંદન્નાએ ફિલ્મના નવા પોસ્ટરમાં શ્રીવલ્લીના ફર્સ્ટ લુકને ઈન્સ્ટાગ્રામ પર શેર કર્યો છે.

આમાં પુષ્પા રાજ શ્રીવલ્લીને પ્રેમથી જોઈ રહ્યો છે.આ પોસ્ટ સાથે રશ્મિકાએ લખ્યું, 'પુષ્પા રાજ અને શ્રીવલ્લી તરફથી તમને અને તમારા પરિવારને દિવાળીની શુભકામનાઓ. ફિલ્મ "પુષ્પા 2" 5 ડિસેમ્બર 2024ના રોજ રીલિઝ થશે. ફેન્સ પણ રશ્મિકા મંદન્નાની પોસ્ટ પર રિએકશન આપી રહ્યા છે અને સ્ટાર્સને દિવાળીની શુભેચ્છા પાઠવી રહ્યા છે.આ ફિલ્મની રિલીઝ ડેટ ઘણી વખત બદલવામાં આવી છે. અગાઉ તેને 6 ડિસેમ્બરે રિલીઝ કરવાનો નિર્ણય લેવામાં આવ્યો હતો. પરંતુ તાજેતરમાં નિર્માતાઓએ ફેન્સને ખુશ કર્યા હતા અને કહ્યું કે ફિલ્મની રિલીઝ ડેટ એક દિવસ વહેલી કરી 5 ડિસેમ્બર કરવામાં આવી છે.