રિબેલ સ્ટાર' પ્રભાસને ફૌજી ફિલ્મના શૂટિંગ દરમ્યાન પગના ભાગે ઇજા,પગના ભાગે વાગ્યુ !

સાઉથ ફિલ્મ ઈન્ડસ્ટ્રીના 'રિબેલ સ્ટાર' પ્રભાસના ફેન્સ માટે એક ખરાબ સમાચાર છે. તેની આગામી ફિલ્મના શૂટિંગ દરમિયાન તેને ઈજા થઈ છે. આ કારણે તે જાપાનમાં 'કલ્કિ 2898 એડી'ના પ્રમોશનમાં પહોંચી શકશે નહીં.આ દિવસોમાં પ્રભાસ હનુ રાઘવપુડીની ફિલ્મ 'ફૌજી'ના શૂટિંગમાં વ્યસ્ત છે. આ દરમિયાન તેના પગની ઘૂંટીમાં ઈજા થઈ હતી. જો કે તેની ઈજાનું કારણ હજુ સુધી જાણી શકાયું નથી.

પ્રભાસે જાપાનમાં તેના ચાહકોની માફી માંગી છે કારણ કે તે ત્યાં 'કલ્કિ 2898 એડી'ના પ્રમોશનમાં હાજરી આપી શકશે નહી. આ ડિસ્ટોપિયન સાયન્સ-ફિક્શન એક્શન મૂવી 3 જાન્યુઆરી, 2025ના રોજ જાપાનમાં રિલીઝ થશે.સાઉથ અભિનેતાએ મેસેજમાં લખ્યું હતું કે, 'હંમેશા મારા પર અને મારા કામ પર આટલો પ્રેમ આપવા બદલ તમારો આભાર. હું ઘણા સમયથી જાપાન જવાની રાહ જોઈ રહ્યો હતો. જોકે, મને કહેતા ખૂબ જ દુઃખ થાય છે કે શૂટિંગ દરમિયાન મારા પગની ઘૂંટીમાં મચકોડ આવી ગઈ હતી અને ત્યાં જઈ શક્યો નહોતો. અભિનેતાએ કહ્યું, 'કલ્કિ 2898 એડી' 3 જાન્યુઆરીએ રિલીઝ માટે તૈયાર છે. મને આશા છે કે અમે તમને જલ્દી મળીશું.'