સોનુ સૂદ તેની પત્ની સાથે ઉજ્જૈન પહોચી મહાકાલના દર્શન કર્યા ,ચાહકો તેની એક ઝલક મેળવવા ઉત્સુક
આજે બોલિવૂડથી લઈને સાઉથ ફિલ્મ ઈન્ડસ્ટ્રી સુધી પોતાના અભિનયના પરાક્રમ દેખાડનાર સોનુ સૂદને કોણ નથી ઓળખતું.
આજે બોલિવૂડથી લઈને સાઉથ ફિલ્મ ઈન્ડસ્ટ્રી સુધી પોતાના અભિનયના પરાક્રમ દેખાડનાર સોનુ સૂદને કોણ નથી ઓળખતું. સોનુ સૂદ કોરોના કાળમાં રિયલ હીરો તરીકે આગળ આવ્યા હતા. કોરોના સમયગાળા દરમિયાન, તેમણે દેશભરમાં લોકોની મદદ કરીને લોકોના હૃદયમાં પોતાનું ખાસ સ્થાન બનાવ્યું. હાલમાં જ સોનુ સૂદ ભગવાન શિવના દર્શન કરવા ઉજ્જૈનના મહાકાલ મંદિર પરિવાર સાથે પહોંચ્યા હતા. અને ભગવાન મહાકાલના આશીર્વાદ લીધા. આ દરમિયાનની તસવીરો સોશિયલ મીડિયા પર વાયરલ થઈ રહી છે.
અભિનેતા સોનુ સૂદના આગમન પહેલા જ મહાકાલેશ્વર મંદિર સમિતિએ પૂજાની તમામ તૈયારીઓ કરી લીધી હતી. તે જ સમયે, અભિનેતાએ તેની પત્ની સાથે પૂજારી પાસેથી પણ આશીર્વાદ લીધા હતા. સોનુની એક ઝલક માટે મંદિરમાં લોકોની ભીડ જોવા મળી હતી. બધા સોનુના નામની બૂમો પાડી રહ્યા હતા. મંદિરમાંથી અભિનેતાની તસવીરો અને વીડિયો સોશિયલ મીડિયા પર સતત વાયરલ થઈ રહ્યા છે.