સુનીલ પાલે પોતાના જ અપહરણનું કાવતરું ઘડ્યું, પોલીસે કર્યો પર્દાફાશ

કોમેડિયન સુનીલ પાલ વિશે એક નવો ખુલાસો થયો છે. તાજેતરમાં, અભિનેતાના અપહરણના સમાચાર સામે આવ્યા જેણે બધાને ચોંકાવી દીધા. હવે આ મામલે વધુ ચોંકાવનારો ખુલાસો સામે આવ્યો છે. એવું બહાર આવ્યું છે કે સુનીલ પાલનનું અપહરણ નકલી હતું અને તેણે પોતે જ અપહરણ કરાવ્યું હતું.

દેશના પ્રખ્યાત કોમેડિયનોમાંના એક સુનીલ પાલનું તાજેતરમાં અપહરણ કરવામાં આવ્યું હતું. આ સમાચારે બધાને ચોંકાવી દીધા હતા. તેમના શુભચિંતકો અને ચાહકો પણ આ સમાચારથી ખૂબ નારાજ છે. અપહરણકર્તાઓએ સુનીલ પાલ પાસેથી 20 લાખ રૂપિયાની ખંડણી માંગી હતી પરંતુ 7.5 લાખ રૂપિયા ચૂકવ્યા બાદ તેને છોડી દેવામાં આવ્યો હતો. પોલીસે આ મામલે તપાસ હાથ ધરી હતી. આ કેસના તાર યુપીના મેરઠ સાથે જોડાયેલા હતા. પરંતુ હવે આ મામલે પોલીસે વધુ ચોંકાવનારો ખુલાસો કર્યો છે. પોલીસના જણાવ્યા મુજબ સુનીલ પાલના અપહરણ થયું ન હતું અને તેણે પોતે જ પોતાનું અપહરણ કરવાનું કાવતરું ઘડ્યું હતું.

આ બાબતે લેટેસ્ટ અપડેટ આપતાં મેરઠ પોલીસે કહ્યું કે કોઈ અપહરણ થયું નથી, આ બધું ખોટું હતું! કોમેડિયન સુનીલ પાલે પોતે જ તેના અપહરણની યોજના બનાવી હતી. તેમના ફોન કોલનો ઓડિયો પણ વાયરલ થઈ રહ્યો છે. હવે યુપી પોલીસ ગમે ત્યારે મુંબઈ પોલીસ સાથે વાત કરીને આ બાબતનો ખુલાસો કરી શકે છે. સુનીલ પાલનો ઓડિયો સામે આવ્યો છે. સાંભળવામાં આવી રહ્યું છે કે મીડિયા અને સાયબર ક્રાઈમના લોકોએ મને પકડ્યો છે, મેં હજુ સુધી કોઈ પોલીસ ફરિયાદ નોંધાવી નથી.