Sushant Singh Rajput Birth Anniversary : સુશાંત સિંહના આ પાત્રોને તમે ક્યારેય નહીં ભૂલી શકો, OTT પર જુઓ મૂવીઝ..!

સુશાંત સિંહ રાજપૂતના જીવનનો દુ:ખદ અંત આવ્યો હશે. પરંતુ અભિનેતાએ તેની લગભગ એક દાયકા લાંબી કારકિર્દી દરમિયાન પડદા પર કેટલાક યાદગાર પાત્રો ભજવ્યા છે.

14 જૂન, 2020 ના રોજ તેમના આકસ્મિક અવસાનથી દેશભરમાં તેમના ચાહકો આઘાત પામ્યા હતા. ટીવીથી કરિયરની શરૂઆત કરનાર સુશાંત આજે પણ યાદોમાં જીવંત છે. 21મી જાન્યુઆરીએ સુશાંત સિંહ રાજપૂતનો જન્મ દિવસ છે. જો સુશાંત જીવતો હોત તો તે પોતાનો 38મો જન્મદિવસ ઉજવતો હોત. આ પ્રસંગે તેમની કેટલીક પસંદગીની ફિલ્મો.

કાઈ પો છે - OTT પ્લેટફોર્મ: Netflix

ચેતન ભગતની નવલકથા ધ 3 મિસ્ટેક્સ ઓફ માય લાઈફ પર આધારિત, તેમની પ્રથમ ફિલ્મ કાઈ પો છે! સુશાંતે ક્રિકેટર ઈશાન ભટ્ટની ભૂમિકા ભજવી હતી. તેમની આ ફિલ્મ બધાને ગમી. ફિલ્મમાં સુશાંત ઉપરાંત અમિત સાધ અને રાજકુમાર રાવ પણ મહત્વના રોલમાં જોવા મળ્યા હતા.

એમએસ ધોની: ધ અનટોલ્ડ સ્ટોરી-OTT પ્લેટફોર્મ: ડિઝની પ્લસ હોટસ્ટાર

આ ફિલ્મ પૂર્વ ક્રિકેટર મહેન્દ્ર સિંહ ધોનીના જીવન પર આધારિત છે. ફિલ્મમાં સુશાંતે ધોનીનો રોલ કર્યો હતો. દિશા પટણી, કિયારા અડવાણી અને અનુપમ ખેર મહત્વના રોલમાં જોવા મળ્યા હતા. સુશાંતના શ્રેષ્ઠ પ્રદર્શનમાં આનો સમાવેશ થાય છે.

ડિટેક્ટીવ વ્યોમકેશ બક્ષી-OTT પ્લેટફોર્મ: પ્રાઇમ વિડિયો

દિબાકર બેનર્જી દ્વારા નિર્દેશિત ફિલ્મમાં સુશાંતે મુખ્ય ભૂમિકા ભજવી હતી, જે બંગાળી પાત્ર છે. ફિલ્મમાં વ્યોમકેશ બક્ષીના કારનામા બતાવવામાં આવ્યા હતા. આ ફિલ્મ બોક્સ ઓફિસ પર કમાલ ન કરી શકી, પરંતુ સુશાંતની એક્ટિંગની ખૂબ પ્રશંસા થઈ.

સોનચીરીયા-OTT પ્લેટફોર્મ: Zee5

સુશાંત સિંહ રાજપૂત સ્ટારર ફિલ્મ 'સોનચિરિયા' વર્ષ 2019માં રિલીઝ થઈ હતી. આ ફિલ્મમાં મનોજ બાજપેયી, ભૂમિ પેડનેકર, રણવીર શૌરી, આશુતોષ રાણા જેવા મહાન કલાકારો જોવા મળ્યા હતા. તમને જણાવી દઈએ કે 'સોનચિરિયા' ચંબલ જિલ્લાના ડાકુઓના જીવન પર આધારિત છે. વિવેચકો દ્વારા ફિલ્મની પ્રશંસા કરવામાં આવી હતી.

કેદારનાથ-OTT પ્લેટફોર્મ: Zee5

આ રોમેન્ટિક ડ્રામામાં સુશાંતે મન્સૂરનું પાત્ર ભજવ્યું હતું, જે વર્ષોથી કેદારનાથના દર્શન માટે શ્રદ્ધાળુઓને પોતાની પીઠ પર લઈ જાય છે. તેની વાર્તા કેદારનાથમાં આવેલા પૂરની પૃષ્ઠભૂમિ પર આધારિત હતી. સારા અલી ખાને હિંદુ પૂજારીની પુત્રી મુક્કુનું પાત્ર ભજવ્યું હતું. સારાનું આ ડેબ્યુ હતું.

છિછોરે-OTT પ્લેટફોર્મ: ડિઝની પ્લસ હોટસ્ટાર

2019માં સિનેમાઘરોમાં રિલીઝ થનારી સુશાંતની આ છેલ્લી ફિલ્મ છે. નિતેશ તિવારી દ્વારા દિગ્દર્શિત ફિલ્મમાં, તેણે એક એન્જિનિયરની ભૂમિકા ભજવી હતી, જે તેના કોલેજકાળમાં હારી ગયેલો માનવામાં આવતો હતો, પરંતુ તેના પુત્ર દ્વારા આત્મહત્યા કરવાનો પ્રયાસ કર્યા પછી તેના જીવનમાં મોટો વળાંક આવે છે.