વરુણ ધવનની ફિલ્મ Baby Johnનું ટીઝર રિલીઝ, આ તારીખે સિનેમા ઘરોમાં આપશે દસ્તક
'જવાન' પછી દિગ્દર્શક એટલી કુમાર બીજી એક્શન થ્રિલર ફિલ્મ લઈને આવી રહ્યા છે, જેમાં વરુણ ધવન મુખ્ય ભૂમિકામાં જોવા મળશે.
'જવાન' પછી દિગ્દર્શક એટલી કુમાર બીજી એક્શન થ્રિલર ફિલ્મ લઈને આવી રહ્યા છે, જેમાં વરુણ ધવન મુખ્ય ભૂમિકામાં જોવા મળશે. આજે એટલીએ ફિલ્મના શીર્ષકનું અનાવરણ કર્યું છે. વરુણ ધવન સ્ટારર ફિલ્મનું ધમાકેદાર ટીઝર પણ શેર કર્યું છે.
એટલીએ વર્ષ 2024ની શરૂઆતમાં 'વીડી 18'ને લઈને મોટી જાહેરાત કરી હતી. ગઈકાલે એટલે કે 4 ફેબ્રુઆરીએ, એટલાએ ચાહકો સાથે એક મોટું અપડેટ શેર કર્યું અને કહ્યું કે તે ફિલ્મનું નામ જાહેર કરવા જઈ રહ્યો છે. આખરે હવે રાહનો અંત આવ્યો.
એટલીએ તેની આગામી ફિલ્મ 'વીડી 18'નું નામ 'બેબી જોન' રાખ્યું છે. એટલીએ 5મી ફેબ્રુઆરીએ સોશિયલ મીડિયા પર ફિલ્મનું અદભૂત પોસ્ટર શેર કરીને શીર્ષકનું નામ જાહેર કર્યું છે. તેણે કેપ્શનમાં લખ્યું, "2024ના સૌથી મોટા એક્શન એન્ટરટેઈનરનું અનાવરણ. બેબી જોન." આ સાથે તેણે ફિલ્મનું ટીઝર પણ રિલીઝ કર્યું છે. પોસ્ટરમાં વરુણ ધવનનો ખતરનાક અવતાર હાથમાં બંદૂક સાથે જોવા મળે છે.
વરુણ ધવનની આગામી ફિલ્મ 'બેબી જોન' 31 મે, 2024ના રોજ સિનેમાઘરોમાં રિલીઝ થશે. કીર્તિ સુરેશ અને વામિકા ગબ્બી પણ તેમાં મહત્વના રોલમાં છે. ફિલ્મના નિર્માતાઓમાં પ્રિયા અટલી, મુરાદ ખેતાની અને જ્યોતિ દેશપાંડેનો સમાવેશ થાય છે, જ્યારે દિગ્દર્શન એ. કલીસ્વરન સંભાળી ચુક્યા છે.
