ધ કેરલા સ્ટોરી રિવ્યુ: કેરળની છોકરીઓનું ધર્મ પરિવર્તન કરાવી ISISમાં જોડાવવાની કહાની, આ વાર્તા તમને ચોંકાવી દેશે..!

શું કેરલામાં છોકરીઓનું ધર્મ પરિવર્તન કરીને ISISમાં મોકલવામાં આવી રહી છે... અને જો હા તો આ આંકડો કેટલો છે. ખરેખર ધ કેરલા સ્ટોરીનું ટ્રેલર રિલીઝ થયું ત્યારથી ચારેબાજુ આ જ ચર્ચા ચાલી રહી છે. કેટલાક લોકો તેને સત્ય કહી રહ્યા છે જ્યારે કેટલાક કહે છે કે તે એક એજન્ડા છે. પરંતુ આ રિપોર્ટમાં અમે તમને જણાવીશું કે કેવી છે આ ફિલ્મ.

આ છે ફિલ્મની વાર્તા

આ વાર્તા કેરલાની નર્સિંગ કોલેજમાં અભ્યાસ કરતી શાલિની ઉન્નીકૃષ્ણનની છે. કેવી રીતે મુસ્લિમ છોકરાઓ તેને અને તેના મિત્રને તેમના પ્રેમની જાળમાં ફસાવે છે. પછી ગર્ભવતી કરી અને પછી તેને છોડી દે છે અને પછી તેને કેવી રીતે સીરિયા લઈ જવામાં આવે છે. આ પછી તેના પરિવારનું શું થશે. આ વાર્તાને ફિલ્મમાં ખૂબ જ જોરદાર રીતે બતાવવામાં આવી છે.

જો ફિલ્મ તરીકે જોવામાં આવે તો આ ફિલ્મ શાનદાર છે. તેનો દરેક સીન તમને અસર કરે છે. જ્યારે ફિલ્મમાં છોકરીઓના બ્રેનવોસ કરવાના ડાયલોગ્સ આવે છે. તો તમે પણ સાંભળીને ચોંકી જશો. ફિલ્મમાં એક પણ ફ્રેમ એવી નથી કે જ્યાં તમે સ્ક્રીન પરથી તમારી નજર હટાવી શકો. એ યુવતીઓના પરિવારનું શું થશે, આ દ્રશ્યો આવતાં તમારી આંખો ભીની થઈ જાય છે. એકંદરે, આ ફિલ્મ તમને એક અનુભવ આપે છે. તમે થિયેટરમાં બેઠેલી છોકરીઓની વાર્તા જીવો છો અને અનુભવો છો.

કેટલાક ડેટા ફિલ્મના અંતે બતાવવામાં આવ્યા છે. જેમાં એ લોકોના ઈન્ટરવ્યુના અંશ છે જેમના પર આ બધું થયું છે. ચહેરો છુપાવીને યુવતીનો વીડિયો પણ બતાવવામાં આવ્યો છે. પરંતુ ડેટા માત્ર અમુક લોકોનો જ બતાવવામાં આવ્યો છે અને દાવો 32 હજાર છોકરીઓનો છે. હવે આ દાવાની સાચી સત્યતા તો મેકર્સ જ કહી શકે છે.