લંડનમાં કિર્તનમાં વિરાટ-અનુષ્કા 'શ્રી રામ, જય રામ' કરતા જોવા મળ્યા

હાલમાં જ અનુષ્કા શર્માએ તેની ઈન્સ્ટોરી પર એક ફોટો શેર કર્યો હતો, જેને જોઈને ખબર પડી કે તે આ દિવસોમાં લંડનમાં તેના પતિ વિરાટ સાથે કૃષ્ણ દાસ કીર્તનમાં વ્યસ્ત છે.

આ દરમિયાન એવા સમાચાર પણ આવ્યા કે કપલ કાયમ માટે લંડન શિફ્ટ થઈ શકે છે. આ અટકળોને વધુ વેગ મળ્યો કારણ કે આ કપલ લંડનમાં ઘણી વખત સાથે જોવા મળ્યું હતું.

તાજેતરમાં યુકેથી અનુષ્કા શર્મા અને વિરાટ કોહલીનો એક નવો વીડિયો વાયરલ થઈ રહ્યો છે. ગયા અઠવાડિયે, અનુષ્કા અને વિરાટ યુકે શહેરમાં પ્રાર્થના સભામાં ભાગ લેતા જોવા મળ્યા હતા.

 વીડિયોમાં બંને પોતાને ભગવાનને સમર્પિત કરતા અને પૂજામાં મગ્ન જોવા મળ્યા હતા.એક પ્રસંગે વિરાટ હાથ જોડીને પ્રાર્થના કરતો જોવા મળ્યો હતો.

આ સિવાય વિરાટ પણ અનુષ્કા સાથે 'શ્રી રામ, જય રામ' બોલતો જોવા મળ્યો હતો. જોકે, અહીં બંને કોઈ સેલિબ્રિટી ટ્રીટમેન્ટ વિના ભક્તિમાં મગ્ન જોવા મળ્યા હતા. જ્યારે વિરાટે કેઝ્યુઅલ ટી-શર્ટ, ચશ્મા અને કેપ પહેરી હતી, તો અનુષ્કા પણ સાદી ટી-શર્ટમાં કીર્તન કરતી જોવા મળી હતી.