પત્ની શૂટિંગમાં વ્યસ્ત, પતિએ લીધો બ્રેક, દીકરી રાહા સાથે પૂરો સમય વિતાવશે રણવીર કપૂર....

રણબીર કપૂર હવે એક્ટિંગમાંથી લાંબો બ્રેક લેશે. આ સમય દરમિયાન એક્ટર પુત્રી રાહા સાથે સંપૂર્ણ ક્વોલિટી ટાઈમ વિતાવશે. તેમણે આ નિર્ણય એટલા માટે લીધો છે કારણ કે આલિયા આગામી દિવસોમાં આવનારી ફિલ્મ 'જીગરા'ના શૂટિંગમાં વ્યસ્ત રહેશે. તેને ધ્યાનમાં રાખીને રણબીરે આ નિર્ણય લીધો છે. તાજેતરમાં જ રણબીર ઝૂમ સેશન દ્વારા તેમના ચાહકોને મળ્યો હતો. આ દરમિયાન તેણે પોતાની ભવિષ્યની યોજનાઓ વિશે વાત કરી. તેણે કહ્યું કે હવે તે 5-6 મહિના ઘરે જ રહેશે. આ સમયે તેનું સંપૂર્ણ ધ્યાન માત્ર રાહા પર કેન્દ્રિત રહેશે. રાહાનો જન્મ થયો ત્યારે તે 'એનિમલ'ના શૂટિંગમાં વ્યસ્ત હતો. આ કારણે તે પોતાની દીકરી સાથે ક્વોલિટી ટાઈમ વિતાવી શક્યો ન હતો. તે હવે પેટરનીટી લિવ પર છે કારણ કે રાહા હવે ખૂબ જ એક્સ્પ્રેશીવ બની ગઈ છે. રણબીરે આગળ કહ્યું- રાહા ક્રોલ કરી રહી છે. તે લોકોને ઓળખી રહી છે. તે ઘણો પ્રેમ આપી રહી છે. તે પા અને મા જેવા શબ્દો બોલવાનો પણ પ્રયાસ કરી રહી છે. તે તેની આસપાસનો સૌથી સુંદર સમય હતો અને હું તેને હંમેશા યાદ રાખીશ. રણબીરનું કહેવું છે કે પત્ની આલિયા આગામી દિવસોમાં આવનારી ફિલ્મ 'જીગરા'ના શૂટિંગમાં વ્યસ્ત છે. આ કારણે તે આ સમય દરમિયાન રાહાની સંભાળ રાખશે. તેમણે એ પણ કહ્યું કે ટૂંક સમયમાં રાહાનો પહેલો જન્મદિવસ આવી રહ્યો છે, જેના માટે તે મિત્રો અને પરિવાર સાથે એક નાનકડી ઉજવણી કરશે.