સુંદરતા કાયમ રાખવા માટે સ્કીનની દેખરેખ ખૂબ જ જરૂરી છે. માર્કેટમાં આજ કાલ અનેક કેમિકલ યુક્ત પ્રોડક્ટ જોવા મળે છે કે, જેની સ્કીન પર ખરાબ અસર પણ થતી હોય છે. આ માટે જરૂરી છે કે સ્કીન પ્રોડક્ટ કેમિકલ ફ્રી હોય. આ કેમિકલ યુક્ત પ્રોડક્ટથી તમે ફ્રી રહેવા ઈચ્છો છો તો તમે ઘરે બનાવેલા કેમિકલ ફ્રી સાબુનો ઉપયોગ કરી શકો છો. સ્કીનનો ભેજ અને સોફ્ટનેશ જાળવી રાખવા માટે નીમ અને એલોવેરામાંથી નેચરલ બાથ સોપ બનાવી શકો છો. તો આવો જાણીએ તમે કઈ વસ્તુની મદદથી આ શોપ ઘરે બનાવી શકસો.

સાબુ બનાવવાની સામગ્રી:-

1 ચમચી હળદર

2 મુઠ્ઠી લીમડાના પાન

4 સાબુના સાંચા

2 મીડિયમ સાઇઝ એલોવેરા

250 ગ્રામ સાબુન બેસ

સાબુ બનાવવાની રીત:-

· સૌ પ્રથમ એલોવેરા ને સારી રીતે પાણીથી ધોઈ તેને છોલી લો.

· હવે એલોવેરાને એક વાસણમાં કાઢો.

· મિકસરમાં લીમડાના પાન અને એલોવેરાને નાખી પેસ્ટ બનાવો.

· એક વાસણમાં એક ગ્લાસ પાણી ગરમ કરો.

· હવે સાબુના બેસના નાના નાના ટુકડા કરો અને તેને ગરમ પાણીમાં નાખો.

· ત્યાર બાદ તે મેલ્ટ થઈ જાય પછી તેને ઠંડુ થવા માટે મૂકી રાખો.

· આ પછી તેમાં લીમડો અને એલોવેરાની પેસ્ટ ને સારી રીતે મિક્સ કરો લો.

· આ મિશ્રણને સાબુના સાંચામાં નાખો અને 2 કલાક સુધી તેને ફ્રીજમાં મૂકી રાખો.

· હવે સાબુ બરાબર સાંચા માં સેટ થઈ જાય પછી તેને બહાર કાઢી લો.

· નીમ – એલોવેરા સાબુ તૈયાર છે, તમે આનો રોજ ઉપયોગ કરી શકો છો.

એલોવેરા અને નીમ સાબુના ફાયદા:-

1. પિમ્પલથી લઈને ડાઘ ધબ્બા હટાવવામાં રામબાણ ઈલાજ છે.

2. ઔષધિય ગુણોના કારણે સ્કીન બેદાગ અને ચમકદાર બને છે.

3. લીમડા અને એલોવેરામાં એન્ટીબેક્ટેરિયલ ગુણ હોય છે કે જેનાથી સ્કિનના ડાઘ ધબ્બા દૂર થાય છે.

4. નેચરલ સાબુના ઉપયોગથી સ્કીન પ્રોબ્લેમ્સ દૂર રહે છે.

5.આ સાબુના ઉપયોગથી સ્કીન પહેલા કરતાં વધારે ક્લીન બને છે.