સાદા પૌઆ તો તમે ખાધા જ હશે પણ આ છે પોષણથી ભરપૂર પૌઆ, નાસ્તા માટે છે એકદમ બેસ્ટ, નોંધી લો રેસેપી.....

નાસ્તામાં પૌઆ ખાવાથી હેલ્થને અનેક ઘણો ફાયદો થાય છે. એક્સપર્ટ પણ સવારમાં પૌઆ ખાવાની સલાહ આપતા હોય છે. જો કે હવે પ્રશ્ન એ થાય છે કે સાદા પૌઆ ભાવતા નથી. આમ, તમારા ઘરમાં પણ બધા સાદા પૌઆ ખાઇને કંટાળી ગયા છે તો સ્પ્રાઉટ્સ પૌઆ એક બેસ્ટ ઓપ્શન છે. સ્પ્રાઉટ્સ પૌઆ તમે આ રીતે ઘરે બનાવશો તો મસ્ત બનશે અને ખાવાની પણ મજા આવશે. સ્પ્રાઉટ્સ પૌઆ તમે બાળકોને નાસ્તામાં પણ આપી શકો છો. તો મોડુ કર્યા વગર આ રીતે ઘરે સ્પ્રાઉટ્સ બનાવો અને હેલ્થને હેલ્ધી રાખો.

સ્પ્રાઉટ્સ પૌઆ બનાવવાની સામગ્રી

· 2 કપ પૌઆ

· અડધો કપ બાફેલા સ્પ્રૌટ્સ

· સ્પ્રાઉટ્સ

· અડધો કપ ઝીણી સમારેલી ડુંગળી

· કોથમીર

· અડધી ચમચી રાઇ

· અડધી ચમચી હળદર

· એક ચમચી લીંબુનો રસ

· એક ચમચી તેલ

· સ્વાદાનુંસાર મીઠું

સ્પ્રાઉટ્સ પૌઆ બનાવવાની રીત

· સ્પ્રાઉટ્સ પૌઆ સ્વાસ્થ્ય માટે અનેક રીતે ફાયદાકારક છે. આ પૌઆ બનાવવા માટે સૌથી પહેલાં સાફ કરી લો.

· પછી ચાયણીમાં લઇને થોડુ-થોડુ પાણી નાખતા જાવો અને પલાળો.

· પલાળેલા પૌઆને 10 મિનિટ માટે મુકી રાખો.

· નોનસ્ટિક પેન લો અને એમાં તેલ ગરમ કરી લો.

· તેલ ગરમ થઇ જાય એટલે રાઇ નાખો.

· પછી ડુંગળી અને લીલા મરચા સાંતળી લો.

· ડુંગળી સંતળાઇ જાય એટલે કડાઇમાં મિક્સ સ્પ્રાઉટ્સ નાખો અને બે મિનિટ માટે થવા દો.

· પછી હળદર અને સ્વાદાનુંસાર મીઠું નાખીને મિક્સ કરી લો.

· આ મિશ્રણને લગભગ એક મિનિટ માટે થવા દો.

· સ્પ્રાઉટ્સમાં પાણી નાખો અને સારી રીતે બધુ મિક્સ કરી લો.

· બે મિનિટ સુધી લગભગ થવા દો.

· કડાઇમાં હવે પલાળેલા પૌઆ નાખીને મિક્સ કરો.

· હવે લીંબુનો રસ નાખીને મિક્સ કરો.

· ધીમા ગેસે આ બધી વસ્તુને બેથી ત્રણ મિનિટ માટે થવા દો.

· આ પૌઆને સર્વિંગ બાઉલમાં લઇ લો.

· ઉપરથી કોથમીર એડ કરો. તો તૈયાર છે સ્પ્રાઉટ્સ પૌઆ.

· આ સ્પ્રાઉટ્સ પૌઆ તમે દરરોજ સવારમાં ખાઓ છો તો સ્ટેમિના રહે છે અને સાથે વજન ઉતારવામાં પણ મદદરૂપ બને છે.

· આ પૌઆની સૌથી મોટી ખાસિયત એ છે કે ફટાફટ બની જાય છે.

· આ પૌઆને ચટપટા બનાવવા માટે ચાટ મસાલો એડ કરવાનું ભૂલશો નહીં.