ભરૂચ ઝઘડિયા-વેલુગામની સીમમાંથી ગેરકાયદે રેતી ખનન-વહન કરતાં 9 વાહનો જપ્ત

ભરૂચ જિલ્લાના ઝઘડિયા તાલુકાના વેલુગામની સીમમાંથી ભૂસ્તર વિભાગે ગેરકાયદેસર રીતે રેતી ખનન અને તેનું વહન કરતાં વાહનો જપ્ત કરી કાયદેસરની કાર્યવાહી હાથ ધરી છે. મળતી માહિતી અનુસાર, ભરૂચ જિલ્લાના ઝઘડિયા તાલુકાના વેલુગામની સીમમાંથી ગેરકાયદેસર રીતે રેતી ખનન અને તેનું વહન કરતાં વાહનો જપ્ત કરી કાર્યવાહી હાથ ધરી છે.

ભૂસ્તર વિભાગ દ્વારા 7 ટ્રકો અને 2 હિટાચી મશીનો સહિત કુલ 9 વાહનો મળી 1 કરોડ 70 લાખનો મોદ્દામાલ જપ્ત કરી ઉમલ્લા પોલીસ મથકે સોંપવામાં આવ્યા છે. અત્રે ઉલ્લેખનીય છે કે, ઝઘડિયા તાલુકામાંથી નીકળતા ખનીજ જેવા કે, પથ્થર, સિલિકા અને રેતીનું કરોડો રૂપિયાનું ગેરકાયદેસર રીતે ખનન કરી તેનું વહન કરવામાં આવતું હોવાની બાતમીના આધારે ભૂસ્તર વિભાગ દ્વારા જવલ્લે જ આવા છાપા મારી ભૂમાફિયાઓ વિરુદ્ધ કાર્યવાહી કરવામાં આવી છે.