આણંદ: વિઠ્ઠલ ઉદ્યોગનગર GIDCમાં સનસાઈન એન્ટરપ્રાઇઝમાં ગેસના બોટલમાં આગ લાગતાં અફરાતફરી મચી

આણંદ તાલુકાના વિઠ્ઠલ ઉદ્યોગનગર સ્થિત જી.આઈ.ડી.સી ના પ્લોટ નંબર 1990 માં આવેલ સનસાઈન એન્ટરપ્રાઇઝ નામની કંપની આવેલી છે. આ કંપનીમાં આજરોજ બપોરના સમયે એકાએક ગેસના બોટલમાં આગ લાગી હતી. આ અંગેની જાણ આણંદ ફાયરબ્રિગેડને કરવામાં આવતા ફાયર બ્રિગેડની ટીમ તુરંત જ ઘટના સ્થળે પહોંચી હતી અને પાણીનો મારો ચલાવી આગ પર કાબુ મેળવ્યો હતો. આગની આ ઘટનામાં સદનસીબે કોઈ જાનહાની થવા પામી નથી. પરંતુ, કંપનીમાંનો સરસામાન અને મશીનરીને નુકશાન પહોંચ્યું છે..